ჩოხატაურის პირველი საჯარო სკოლის ისტორიის მასწავლებელი, 64 წლის პედაგოგი, რომელიც თავის მოსწავლეზე სექსუალურ ძალადობაში არის ეჭვმიტანილი – დაკავებამდე გაიტაცეს და ცემეს.
ამის შესახებ “გურიის მოამბეს” საკუთარმა წყარომ აცნობა.
გავრცელებული ინფორმაციით, პედაგოგი მსხვერპლის ახლობელმა, ყოფილმა პოლიციელმა, მას შემდეგ გაიტაცა და ცემა, როცა მისთვის დაზარალებული გოგონას მეგობრისაგან, პედაგოგის ძალადობის შესახებ გახდა ცნობილი.
წყაროს ინფორმაციით, ყოფილ პოლიციელს ამ დღეებში ბრალს ადამიანის უკანონოდ თავისუფლების აღკვეთისა და ფიზიკური შეურაცხყოფის გამო წაუყენებენ და დააკავებენ.
როგორც წყარო გვიმტკიცებს გამოძიებას ნაცემი პედაგოგის ექსპერტიზის დასკვნაც აქვს და ამ მიმართულებით ჩატარებულია ყველა საგამოძებო ღონისძიება.
იმავე წყაროს ცნობით პედაგოგთან ერთად ყოფილმა პოლიციელმა მისი შვილიც გაიტაცა.
ცნობისათვის: ჩოხატაურის პოლიციამ გუშინწინ ჩოხატაურის პირველი საჯარო სკოლის მოსწავლეზე განხორციელებული სექსუალური ძალადობის მსგავსი ქმედების გამო ამავე სკოლის 64 წლის პედაგოგი დააკავა.
მას გამოძიებამ ბრალი სსკ 138 მუხლით წაუყენა.
მსგავსი სტატიები:
ოზურგეთში “საქართველოს ბანკის” სწრაფი ჩარიცხვის აპარატი დააზიანეს-შს-მ გამოძიება დაიწყო
ამ წუთებში – ოზურგეთის რაიონული სასამართლოს შენობის წინ სასჯელმისჯილის ოჯახის წევრმა თვითმკვლელობა სცადა
ოზურგეთში 55 წლის მამაკაცი ცივი იარაღით მოკლეს (ექსკლუზივი)
ოზურგეთში სუპერმარკეტ “მოდერნის” დაყაჩაღებისთვის ერთი პირი დააკავეს
გუშინ კომენდანტის საათის დროს ოზურგეთში სამი სწრაფი ჩარიცხვის აპარატი გაძარცვეს (ექსკლუზივი)
სისხლიანი გარჩევა ოზურგეთში – დაჭრილია 16 წლის ბიჭი
ვინ არის ოზურგეთში დაჭრილი ახალგაზრდა-მომხდარის დეტალები
“რა მოხდა მერე მეც კი მეალერსებოდა სკოლაში პედაგოგი” – ბრალდებული პედაგოგის ადვოკატი