ნიკა გვარამია განცხადებას ავრცელებს

„მთავარი არხის“ გენერალური დირექტორი განცხადებას ავრცელებს და არხის იმ გადაწყვეტილებას განმარტავს, რომლის მიხედვით, „ნაციონალური მოძრაობისა“ და „ევროპული საქართველოს“ პოლიტიკური რეკლამა ეთერში არ განთავსდა.

საუბარია კლიპებზე, რომელშიც საქართველოს მესამე პრეზიდენტი, მიხეილ სააკაშვილი მონაწილეობს.

გვარამია მარეგულირებელს 10 ოქტომბრამდე აძლევს ვადას, წინააღმდეგ შემთხვევაში ორივე პარტიის საარჩევნო კლიპს განათავსებს ეთერში.

„საზოგადოებას მინდა ვაცნობო, რომ ტელეკომპანია „მთავარ არხს“ მომართეს საარჩევნო სუბიექტებმა ნაციონალურმა მოძრაობამ და ევროპულმა საქართველომ. მათ მოითხოვეს ჩვენს ეთერში პოლიტიკური რეკლამის  განთავსება. ორივე კლიპში მონაწილეობს საქართველოს მესამე პრეზიდენტი მიხეილ სააკაშვილი, რომელსაც ამჟამად ჩამორთმეული აქვს საქართველოს მოქალაქეობა და წარმოადგენს უკრაინის მოქალაქეს.

ნაციონალური მოძრაობის კლიპი არის ხელშემწყობი წინასაარჩევნო აგიტაცია (რეკლამა), ხოლო ევროპული საქართველოსი – ხელშემშლელი (ანტირეკლამა). კანონით კი, საარჩევნო რეკლამა გულისხმობს როგორც ხელშემწყობ, ისე ხელშემშლელ  რეკლამას და სრულიად ანალოგიურად განიხილავს ორივეს და, შესაბამისად, მათში უცხო ქვეყნის მონაწილეობის საკითხს.

ნორმატიული რეგულაციის ბუნდოვანების გამო, ჩვენ არ განვათავსეთ არც ერთი კლიპი და ამგვარად თავი დავიზღვიეთ, რომ ჩვენს წინააღმდეგ ნეგატიურად მიკერძოებული და არაერთი უკანონო გადაწყვეტილების გამომტანი მარეგულირებელი კომისიისთვის არ მიგვეცა მაღალი ჯარიმის გამოყენების შესაძლებლობა.
ორივე პარტიამ გააპროტესტა ეს ფაქტი. მათი არგუმენტები ჩვენთვის გასაგებია, რის გამოც წერილობით მივმართეთ კომისიას და ცესკოს (ქვემოთ იხ. ჩვენი წერილის ფოტო) და მოვითხოვეთ შესაბამისი ნორმების განმარტება.

გვიპასუხა ცესკომ (ქვემოთ იხ. ფოტო) – მიგვითითა კანონზე და გადაგვამისამართა მარეგულირებელ კომისიასთან. გვიპასუხა მარეგულირებელმა კომისიამაც (ქვემოთ იხ. ფოტო).

ვინაიდან ორი კომპეტენტური ორგანოსგან ვერ მივიღეთ კონკრეტული შინაარსის შემცველი პასუხი, „მთავარი არხი“ კიდევ ერთხელ, ამჯერად საჯაროდ მიმართავს მარეგულირებელ კომისიას, რომ მოახდინოს სათანადო რეაგირება, აღასრულოს კანონით ექსკლუზიურად მისთვის მინიჭებული ნორმის განმარტების და ბუნდოვანების აღმოფხვრის უფლებამოსილება (რაც, იმავდროულად მისი ვალდებულებაცაა). ჩვენთვის არ წარმოადგენს არავითარ ინტერესს და ვერც სათანადო პასუხად ჩავთვლით მათ ბლანკეტური პასუხებს და შიდაპროცედურულ წარმოდგენებს საკითხის გადაწყვეტასთან დაკავშირებით.

იმ შემთხვევაში, თუ მარეგულირებელი კომისია 10 ოქტომბრამდე არ მოგვცემს კონკრეტული შინაარსის შემცველ პასუხს, ტელეკომპანია „მთავარი არხი“ იმოქმედებს აღმატებული საჯარო ინტერესის შესაბამისად (მოსახლეობის მაქსიმალური წინასაარჩევნო ინფორმირება შემჭდროვებულ ვადებში),  სიტყვის და გამოხატვის თავისუფლების სასარგებლოდ გადაწყვეტს აღნიშულ საკითხს და 10 ოქტომბრიდან ეთერში განათავსებს ორივე სახის კლიპს“, –  წერს ნიკა გვარამია.

გააზიარეთ და მოიწონეთ სტატია:

მსგავსი სტატიები

  • 89
    რეკომენდაციები კოვიდის შესახებ -ექიმი მარინა ტოტოჩავაკოვიდის ხასიათზე და პროფილაქტიკაზე,  ძალიან ბევრი სტატია დავდე. ახლა ვაგრძელებ უამრავი ადამიანის მოთხოვნით. ყველა ვირუსი ფიზიოლოგიური და ბიოლოგიური თვისებებით იდენტური არიან. მაგრამ, განსხვავდებიან იმუნოლოგიური მექანიზმებით. კერძოდ, ანტიგენური ხასიათით. საერთოდ, ნებისმიერი ვირუსის პანდემია ძალიან სწრაფია. ერთნახევარი თვეც არ უნდა, რომ ნახევარ მსოფლიოს მოედოს. მთელს მსოფლიოს კი, რამდენიმე თვეში გადაწვდება. კორონა ვირუსი-…
    Tags: და, არ
  • 85
    კედლის მხატვრობა Associò, ცხოვრება და შემოქმედება- მხატვარი ლევან სონღულაშვილილევან სონღულაშვილი ახალგაზრდა ქართველი მხატვარია, რომელმაც მოკლე პერიოდში თავბრუდამხვევ წარმატებას მიაღწია დასავლურ სახელოვნებო წრეებში. ის დღეს ნიუ-იორკში ცხოვრობს და მოღვაწეობს.  მისი ნამუშევრები უკვე მსოფლიო სახელოვნებო ინსტიტუციების ყურადღების ცენტრშია მოქცეული. თბილისის სამხატვრო აკადემიის დასრულების შემდეგ ლევანი უორჰოლის დაარსებული “ნიუ-იორკის არტ-აკადემიის” პირველი ქართველი მაგისტრი გახდა. აკადემიის ცნობილმა გამოფენა-აუქციონმა – Tribeca Ball 2015-მა…
    Tags: და
  • 82
    სამხრეთ ოსეთსა და აფხაზეთს უკეთესი მომავალი საქართველოს შემადგენლობაში ექნებათ- აშშ-ის ელჩი ეუთოშისამხრეთ ოსეთი და აფხაზეთი საქართველოს ნაწილია და იმ მოქალაქეთა მომავალი უკეთესი იქნება ნამდვილი ქვეყნის შემადგენლობაში, ის ქვეყანა კი საქართველოა. ეს განცხადება ეუთოში აშშ-ის ელჩმა, ჯეიმს სტიუარტ გილმორმა საქართველოს კონფლიქტთან დაკავშირებული ჟენევის საერთაშორისო მოლაპარაკებების თანათავმჯდმარეების მიმართვის საპასუხოდ განაცხადა. ეუთოში შეერთებული შტატების ელჩის განცხადების საქართველოში ამერიკის საელჩო ავრცელებს. “2008 წელს საქართველოს ტერიტორიაზე რუსეთის სამხედრო…
    Tags: და, საქართველოს
  • 81
    TDI: სახელმწიფომ ვერ დაიცვა რელიგიის თავისუფლება, პანდემიის ფონზე იმატა სიძულვილის ენამადამიანის უფლებების საერთაშორისო დღესთან დაკავშირებით ტოლერანტობისა და მრავალფეროვნების ინსტიტუტი, TDI საქართველოში რელიგიის თავისუფლების, ქსენოფობიისა და მიგრანტთა უფლებების საკითხებს აფასებს. TDI-ს ინფორმაციით, 2020 წელი ადამიანის უფლებებისა და თანასწორუფლებიანობის დაცვის კუთხით გამორჩეულად პრობლემური იყო - კოვიდ 19-ით გამოწვეული პანდემია და მისი შედეგები განსაკუთრებულად მწვავედ მოწყვლად ჯგუფებზე აისახა და შექმნილმა ვითარებამ ადამიანის უფლებების…
    Tags: და