“მაქვს სურვილი, რომ ვემსახურო ჩემს ოზურგეთს, როცა ხალხის არჩეული მერი ხარ, ეს უკვე ცალკე პასუხისმგებლობაა.
ვთვლი, რომ ჩემი ოპონენტებისთვის ღირსეული კანდიდატი ვიქნები”, –განაცხადა ოზურგეთის მოქმედმა მერმა, კონსტანტინე შარასშენიძემ “გურიის მოამბესთან”, რომელიც მოახლოებულ თვითმმართველობის არჩევნებში დამოუკიდებელ კანდიდატად იყრის კენჭს.
შარაშენიძე დარწმუნებულია, რომ მისი მერობის პერიოდში ოზურგეთისთვის გაკეთებული საქმეები იმისთვის საკმარისია, რომ ადგილობრივებმა მას მხარი კიდევ ერთხელ დაუჭიროს.
რაც შეეხება ოპონენტებს, სხვადასხვა პარტიიდან, უკვე წარდგენილ კანდიდატებს, შარაშენიძე გვეუბნება, რომ მათ შესაძლებლობებს ის ნაკლებად იცნობს.
“მე მათ შესაძლებლობებს არ ვიცნობ. შემიძლია გითხრათ ის, რომ ეს ნაბიჯი, მხოლოდ ჩვენი მოსახლეობის, ოზურგეთელების მოთხოვნით გადავდგი.
მე მეამაყება, რომ დღეს ამ პოზიციაზე ვარ.
გავიმარჯვებ თუ არა, ეს არის ამომრჩევლის გადასაწყვეტი.
მე მათთან შეხვედრების დროს ვისაუბრებ ჩემს სამომავლო გეგმებზე, რომელიც რა თქმა უნდა ხელისუფლებასთან ერთად უნდა განხორციელდეს.
მე ვარ ის ადამიანი, რომელსაც მჭიდრო კავშირი აქვს სახელისუფლებო ინსტიტუტებთან. ასე, რომ რასაც კოორდინაცია და ურთიერთთანამშრომლობა ჰქვია, ეს არის ჩემი ჰობი.
ძალიან კარგად გამომდის ეს საქმეები, რომელსაც ვაკეთებ ხელისუფლებასთან ერთად”, –გვითხრა კონსტანტინე შარაშენიძემ.
მსგავსი სტატიები:
„აია მაი!“ – კულტურის სამსახურის უფროსის დაბადების დღე ბერას და ნანუკას ინსპირაციით
“საამაყო ვარსკვლავებით” არის წარმოდგენილი გურია ერთპარტიულ “პარლამენტში”
ნახეთ სად ჩატარდება დღეს სოფლის მხარდაჭერის პროგრამის ფარგლებში შეხვედრები
“გვაჯობა ჭკუით მოსულმა მტერმა”
“კიც მინდა გაკეთება და არც მინდა”-რას ფიქრობენ გურულები ვაქცინაციაზე
გურია შემწეობის მიმღებთა რაოდენობით, მესამე ადგილზეა
რამ დაუგრძელა ენა გურიის დეპუტატის ბიუროს უფროსს
ოზურგეთის სატყეო უბნის უფროსი ქრთამის აღების ფაქტზე დააკავეს