მას შემდეგ, რაც ევროკავშირისა და შენგენის ზონის ქვეყნებმა საერთაშორისო მოგზაურებისთვის საზღვრების გახსნა დაიწყეს, ბევრმა მათგანმა გადაწყვიტა განესაზღვრა, კოვიდ-19-ის საწინააღმდეგო რომელი აცრით ვაქცინირებული მოგზაურები მიეღო.
ამჟამად, ევროპის ყველა ქვეყანა აღიარებს ევროპული მედიკამენტების სააგენტოს (EMA) მიერ დადასტურებული ვაქცინით აცრას, საუბარია Oxford/AstraZeneca-ზე, Pfizer/BioNTech-ზე, Moderna-სა და Johnson & Johnson-ზე.
თუმცა, წესები ანალოგიურად არ ვრცელდება იმ მოგზაურებზე, რომლებმაც ჯანდაცვის მსოფლიო ორგანიზაციის (WHO) მიერ გადაუდებელი გამოყენების ავტორიზაციის მქონე ვაქცინა გაიკეთეს, ისეთი, როგორიცაა მაგალითად, “სინოვაკი”. აღნიშნულ ინფორმაციას SchengenVisaInfo.com ავრცელებს.
“სინოვაკი” ჩინეთში წარმოებული ვაქცინაა, რომელსაც WHO-მ გადაუდებელი გამოყენების ავტორიზაცია 1 ივნისს მიანიჭა. ჯანდაცვის მსოფლიო ორგანიზაციის მტკიცებით, აღნიშნული ვაქცინა უსაფრთხოების, ეფექტიანობისა და წარმოების ყველა საერთაშორისო სტანდარტს აკმაყოფილებს.
VisaGuide.World–ის მიერ შემუშავებული ახალი ინსტრუმენტის თანახმად, რომელიც მოგზაურებს საშუალებას აძლევს, საზღვარგარეთ გამგზავრებამდე შეამოწმონ თავიანთი ვაქცინის ვალიდურობა, ევროკავშირის/შენგენის ზონის სწორედ შემდეგი შვიდი ქვეყანა აღიარებს “სინოვაკის” ვალიდურობას: ავსტრია, ფინეთი, საბერძნეთი, ისლანდია, ნიდერლანდების სამეფო, ესპანეთი და შვეიცარია.
“სინოვაკით” აცრილი საერთაშორისო მოგზაურები, აღნიშნულ ქვეყნებში, თავისუფლდებიან ყველა საკარანტინო მოთხოვნებისგან.
ამასთან, ევროპის კონტინენტზე მდებარე შემდეგი ხუთი ქვეყანა აღიარებს “სინოვაკის” ვალიდურობას, მოგზაურთა მიღებისას, ესენია: ალბანეთი, სომხეთი, საქართველო, მაკედონია და სერბეთი.
VisaGuide.World-ის თანახმად, ზემოაღნიშნული ევროკავშირის/შენგენისა და მესამე ქვეყნის გარდა, “სინოვაკის” აცრის დამადასტურებელი ცნობის ვალიდურობას, მოგზაურობისას, კიდევ 34 ქვეყანა აღიარებს.
/bm.ge/
მსგავსი სტატიები:
2 თვიანი მკურნალობის შემდეგ ახალციხეში კორონავირუსით 2 ექიმი გარდაიცვალა
დემნა გვასალიას ლიფისგან შეკერილი ფეხსაცმელი 936 დოლარი ღირს
COVID-19-ის საწინააღმდეგო ვაქცინაცია გურიაში 15 მარტიდან დაიწყება
მინდია გოგოჭურს 4 წლით თავისუფლების აღკვეთა მიესაჯა
თავდაცვის სამინისტროს ანგარიშებზე ნაშთების უზუსტობა 697 406 534 ლარია – აუდიტის სამსახური
“შე ვირიშვილო, ამდენი ფული გაქვს, გაეცი, ვიღაც გადაარჩინე”- ჟანრი ლოლაშვილი
შუა ამაღლების საჯარო სკოლის მოსწავლეები წერილის წერის საერთაშორისო კონკურსში მონაწილეობისთვის დაჯილდოვდნენ
გურიის მოამბის სტატიის შემდეგ ტროტუარიდან კონსტრუქცია აიღეს