2021 წლის 5 აგვისტოს ოზურგეთის მუნიციპალიტეტის სოფელ ლიხაურში, ექვთიმე თაყაიშვილის მუზეუმში, კომპანია CCEH-ის ინიციატივით, ბახვი 1 ჰესის პროექტის გარემოს დაცვით და სოციალურ საკითხებზე მომუშავე მრჩეველთა საბჭო დაფუძნდა. მრჩეველთა საბჭოს შემადგენლობაში არიან ოზურგეთისა და ჩოხატაურის მუნიციპალიტეტების ადგილობრივი თვითმმართველობების მიერ ნომინირებული 12 წევრი, რომლებიც წარმოადგენენ ადგილობრივ სამოქალაქო საზოგადოებას, მცირე და საშუალო ბიზნესს, მედიას და თვითმმართველობას.
გარემოს დაცვისა და სოციალურ საკითხებზე მომუშავე მრჩეველთა საბჭოს შექმნის მიზანია ბახვი 1 ჰესის პროექტისადმი საზოგადოებაში ნდობის განმტკიცება, პროექტის განხილვაში დაინტერესებული მხარეების მაქსიმალური ჩართულობა, გზშ-ს ანგარიშზე მუშაობის გამჭვირვალე სამუშაო პრაქტიკის დამკვიდრება, გზშ-ს ანგარიშის განხილვაში დაინტერესებული მხარეების ჩართულობა, დაინტერესებულ მხარეთა რეკომენდაციებისა და საქმიანი კრიტიკის მოსმენა და გათვალისწინება.
„მცირე ტიპის ბახვი 1 ჰესის მიმართ ინტერესი დიდია. ჩოხატაურსა და ოზურგეთში არაერთი შეხვედრა გავმართეთ სხვადასხვა დაინტერესებულ ჯგუფთან, პასუხი გავეცით უამრავ კითხვას და უნდა აღვნიშნოთ, რომ გავითვალისწინეთ არაერთი ჯანსაღი რეკომენდაცია, რაც შეხვედრების რეჟიმში გაგვიზიარეს ადგილობრივი არასამთავრობო სექტორის წარმომადგენლებმა. მაგალითად, მსოფლიოში აღიარებულ ავსტრიულ კომპანია AFRY-სთან თანამშრომლობით განხორციელდა პროექტის სქემისა და ადგილმდებარეობის შემდგომი გაუმჯობესება და სრულყოფა, ბიომრავალფეროვნებასთან დაკავშირებულ კვლევებში კი ჩაერთო საერთაშორისო საკონსულტაციო კომპანია SLR-ი და ევროპელი ექსპერტი, პიერ ბიდერმანი. სამუშაო რეჟიმი უაღრესად საინტერესოა. ჩვენ გამჭირვალედ ვმუშაობთ და გვაქვს ამბიცია, შევქმნათ პროექტი, რომელიც საამაყო იქნება არა მხოლოდ ჩვენი გუნდისთვის, არამედ ამ მუნიციპალიტეტებში მცხოვრები თითოეული ადამიანისთვის. ჩვენ გვსურს, შევქმნათ ერთობლივი, წარმატებული მაგალითი პროექტისა, რომლის სარგებელს დაინახავს ყოველი ჩართული მხარე. სწორედ ამ იდეას ემსახურება, მრჩეველთა საბჭოს შექმნაც. ვფიქრობ, უაღრესად საინტერესო და ამავდროულად დატვირთული პერიოდი გველის წინ. მოდელი, რომელსაც ახლა ეყრება საფუძველი, უნიკალურია და გვიხარია, რომ ჩვენი გუნდი არის ამ შეთავაზების ინიციატორი. წარმატებას ვუსურვებ მრჩეველთა საბჭოს და მის თითოეულ წევრს“ – განაცხადა კომპანია CCEH-ის დირექტორმა, მიხეილ ნიბლაძემ.
მრჩეველთა საბჭოში არასამთავრობო ორგანიზაციებს წარმოადგენენ ნუგზარ ასათიანი, ნინო ბერძენიშვილი და თამარ ონიანი; თვითმმართველობის წარმომადგენლები არიან ლელა მდინარაძე, დავით ჟღენტი, თეიმურაზ ჭანუყვაძე და მაია ჩავლეშვილი; ადგილობრივი მედიიდან საბჭოში იქნებიან ია მამალაძე და ვლადიმერ მენაბდე; ბიზნეს სექტორიდან კი გვიერთდება ქრისტინე გურიელიძე და დავით თენიეშვილი.
საბჭოს წევრები თვეში ერთხელ შეიკრიბებიან და გარემოს დაცვისა და სოციალური საკითხების მიმართულებით არსებულ საკითხებს განიხილავენ, გაეცნობიან საერთაშორისო საკონსულტაციო კომპანიების მიერ ჩატარებული კვლევების შედეგებს და იმსჯელებენ იმ მექანიზმებზე, რომელიც პროექტის წარმატების გარანტი გახდება.
საბჭოს დაფუძნების ღონისძიებას, ცენტრალური და ადგილობრივი ხელისუფლების, ადგილობრივი მედიის და არასამთავრობო ორგანიზაციების, ასევე, სხვადასხვა საერთაშორისო ორგანიზაციების წარმომადგენლები ესწრებოდნენ.
ბახვი 1 ჰესი, 12 მგვტ დადგმული სიმძლავრის მცირე ტიპის ჰესის პროექტია, რომელსაც მდ. ბახვისწყალზე კავკასიის განახლებადი ენერგიის ფონდი ავითარებს.
მსგავსი სტატიები:
ბახვი 1 ჰესის პროექტის გაცნობის მიზნით, პროექტის მენეჯმენტი კლიმატის ცვლილების სამოქმედო რეგიონულ ჯგუფს შეხვდა
“შეკვეთილის ფორტი” – ჟიულ გაილდრაუს ილუსტრაცია 1853 წ.
ოზურგეთელი მძლეოსანი, სოფიკო შათირიშვილი ოლიმპიური თამაშების მონაწილეა
ლანჩხუთში მაგისტრალზე მშენებარე ხიდი ჩავარდა
როგორ უპასუხეს გურულებმა 1906 წელს პოლკოვნიკ კრილოვს
ბოხვაურის საჯარო სკოლის მოსწავლეებმა – ეთუნა ბარამიძემ და ანანო გუდავაძემ საბაზო საფეხური წარჩინებით დაამთავრეს
დვაბზუს საჯარო სკოლის კლუბ „საფიხვნოს“ წევრებმა, საერთაშორისო პროექტის ფარგლებში, კედლის გაზეთი დაამზადეს
” 2 საათია ვრეკავ 112 ში – დამცინის მორიგე “მანქანა არ გყავსო” – რატომ არ ემსახურება მძიმე პაციენტებს სასწრაფო?”