“თუ კარანტინს მიწესებ და ჩემზე ზრუნავ, მაშინ ცივ წყალს რატომ მასხამ?”- დარჩია ხელისუფლებას

“ისევ დავიქსაქსეთ” – წერს მოცეკვავე თეა დარჩია სოციალურ ქსელში. ბოლო დღეებში საქართველოში მიმდინარე მოვლენებს დარჩია, ისევ იგივე წრეზე სიარულად აღიქვამს.

“ისევ იგივე წრეზე მივდივართ, რომელსაც მრავალგზის ვაპრობირებთ, მაგრამ არ მუშაობს. აღარ მუშაობს ეს “მიდი, ჩააგდე ქაღალდი”. რაღა დროს საარჩევნო ყუთების თრევაა. არ შეიძლება ისეთი ფორმა მოიძებნოს, რომ გაყალბების შანსი არ იყოს?! ტექნოლოგიების საუკუნეა და რა მოხდება ადგილიდან გაუნძრევლოდ რომ შეეძლოს ადამიანს ხმის მიცემა.

მაგრამ ახლა მეორე – ვინც არ უნდა მოვიდეს მთავრობაში, აბსოლუტურად ყველა განწირულია ფინალისთვის – ძალაუფლება, ხიბლი, ფული, სკამი… ბოლო 30 წლის მანძილზე ამაში დავრწმუნდი – ძალაუფლება ადამიანს აფუჭებს, ღუპავს.

ძალიან ბევრია რვა წელი მთავრობაში ყოფნისთვის. რვა წელში სამყარო და აზროვნება იცვლება, თაობები იცვლებიან. მაქსიმუმი უნდა იყოს რვა წელი, მერე უნდა იცვლებოდეს მთავრობა.

არასწორი პოლიტიკა ჩვენს საქმეში ხელს გვიშლის. მთავრობას ხელფასს ვუხდი, რომ კომფორტი შემიქმნას, რომ დაცული ვიყო, რომ საზღვრებზე დაუსრულებლად არ გადმოდიოდნენ… მთავრობას ფულს ვუხდი იმაში, რომ მე ჩემი საქმე მშვიდად ვაკეთო.

ამ ყველაფრის ფონზე პროტესტის საშუალება რომ არ იყოს, ალბათ, ადამიანებს გული გაუსკდებათ და უიმედობით მოკვდებიან. თავისუფალ არჩევანსაც რომ გაგიყალბებენ, ან ნაგავში გიგდებენ და უგულებელყოფენ, საშინელებაა. ფაქტია, რომ ამ არჩვენებზე ყველაფერი სუფთად არ ყოფილა. ელემენტარული მათემატიკითაც რომ არ გამოდის, იქ უკვე კითხვის ნიშნებია.

აქ გრძნობებისა და ემოციის აღრევა მაქვს. მე ღმერთის მორჩილიც ვარ და კანონმორჩილიც. როცა მეუბნებიან, რომ საშიშია და არ გააკეთოო, მე მჯერა, რომ ეს ჩემთვის კეთდება. მაგრამ პარალელურ რეჟიმში, ჩვენზე წინ მყოფი ქვეყნები რომ აცხადებენ, რომ კარანტინს, ჩაკეტვას შედეგი არ აქვს, პირიქით, უფრო გვაღარიბებს, გვთრგუნავს, გვაშინებსო, უნდა გავითვალისწინოთ. შიში უფრო საშიშია.

თუ შენ მე კარანტინს მიწესებ, რომ დაინფიცირებისგან დამიცვა და ჩემზე ზრუნავ, მაშინ ცივ წყალს რაღატომ მასხამ? ხომ იცი, რომ გავცივდები? პატარა იმუნიტეტის დაკარგვა სერიოზულ დაავადებებს იწვევს. თან მე ხომ წყლის შესხმის საბაბს არ გაძლევ. ქართველი ქართველის წინააღმდეგ რომ ჭავლს იყენებს… მე არ მომწონს ეს ყოველივე…

ჩვენს დაყოფას არაფერი უნდა. ჭკუა ვერ ვისწავლეთ, რომ საერთო საქმისთვის – საქართველოსთვის ერთად ვიყოთ. მტერი ამით სარგებლობს და კიდევ დიდ ხანს ისარგებლებს.”

გააზიარეთ და მოიწონეთ სტატია:

მსგავსი სტატიები

  • 95
    TI: ხელისუფლება ივანიშვილის გავლენის ქვეშაასაერთაშორისო გამჭვირვალობა-საქართველო აქვეყნებს მოკვლევას არაფორმალური მმათველობის პრობლემასა და მისი შედეგების შესახებ. ორგანიზაციის შეფასებით, "ქართული ოცნების მმართველობის ორი ვადის გასვლის თავზე დაგროვილი მტკიცებულებები საკმარისია იმის სათქმელად, რომ კორუფციამ საქართველოში სახელმწიფოს მიტაცების ფორმა მიიღო დღეის მდგომარეობით, საქართველოს ხელისუფლების აღმასრულებელი შტო მთლიანად ერთი ადამიანის გავლენის ქვეშაა. აღმასრულებელ ხელისუფლებას გამოცლილი აქვს შეკავებისა და გაწონასწორების დემოკრატიული მექანიზმები, რაც განპირობებულია…
    Tags: და, არ, რომ
  • 95
    "გინდა შიმშილს მოუკლავხარ და გინდა კორონას"... გურულების მძიმე ყოფაკორონა ვირუსი და საქართველო-რა ხდება გურიაში და როგორ აფასებენ ადგილობრივები მათ ყოველდღიურობას პანდემიის პირობებში, მით უფრო, მაშინ როცა ქვეყანა ფაქტობრივად გაჩერებულია, შიმშილი და სიღარიბე კი ვირუსზე ნაკლებ სიმძიმედ არ აწევს ქვეყნის მოსახლეობას: 1.გართულდა ცხოვრება ნამდვილად. შეშინებულია ხალხი, როის რა დეემართება არ იცის. აი პირბადე, სულ უნდა ქონდეს პირზე. სახელმწიფო ხალხიზა…
    Tags: და, არ, რომ, უნდა
  • 93
    „გურული დონკიხოტი „- ვინ არის აქტივისტი ქალი, რომელიც რეგიონის ბუნებას ხმალამოღებული იცავსირმა გორდელაძე ოზურგეთის მუნიციპალიტეტში, სოფელ ლიხაურში ცხოვრობს. ისტორიის და სამოქალაქო განათლების პედაგოგია. ყოველთვის აქტიური იყო და საკუთარი სოფლის ყველა საჭირბოროტო საკითხის მოგვარებაში იღებდა მონაწილეობას. ბუნებისდამცველი აქტივისტი მას შემდეგ გახდა, რაც მის სოფელში, მდინარე აჭის ხეობაში, ინერტული მასალის მოსაპოვებლად ერთ-ერთი კომპანია შევიდა და მდინარის კალაპოტს ტრაქტორები მიადგნენ. ირმა იყო ყველგან, დაიწყო…
    Tags: და, რომ, არ
  • 93
    "მე საკუთარი თავი შევიყვარე"- ძალადობის მსხვერპლი ახალგაზრდა ქალის შეცვლილი ცხოვრება 30 წლის დიანა ხერემიანი თბილისიდანაა. ახლა ქალაქ ოზურგეთში ცხოვრობს. ხუთი წლის წინ მოძალადე ქმარს დედაქალაქიდან დააღწია თავი და ცხრა წლიანი, ოჯახური ცხოვრება ერთ დღეში დაასრულა...მანამდე იყო  თანაცხოვრების ურთულესი წლები, მორალური, ფსიქოლოგიური და ფიზიკური ძალადობა, დაუსრულებლად გრძელდებოდა... დედამ უარყო, მეგობრებმა მიატოვეს, სამყარომ ზურგი აქცია და სიფრიფანა გოგო, დარჩა მოძალადე ქმრის პირისპირ.…
    Tags: და, არ, რომ