“ქვეყნიდან ყველა ავღანელს ვერ გამოვიყვანთ”

ევროკავშირის უმაღლესი წარმომადგენელი საგარეო საქმეთა და უსაფრთხოების პოლიტიკის საკითხებში ჟოზეფ ბორელი აცხადებს, რომ ბლოკი ქვეყნიდან ყველა ავღანელის გამოყვანას ვერ შეძლებს.

მისი თქმით, ევროკავშირმა ამ დრომდე ავღანეთიდან 106 თანამშრომლის ევაკუაცია შეძლო, თუმცა ბლოკის 300-ზე მეტი ავღანელი თანამშრომელი ქაბულის ქუჩებშია ჩაკეტილი და აეროპორტამდე მისვლას ვერ ახერხებს.

„ევროკავშირის დელეგაციების 300-ზე მეტი ავღანელი თანამშრომელი ჯერ კიდევ ქაბულის ქუჩებშია ჩაკეტილი და აეროპორტამდე მიღწევას ცდილობს. ეს ადამიანები მრავალი წლის განმავლობაში ერთგულად უჭერდნენ მხარს და იცავდნენ ავღანეთში ევროკავშირის ინტერესებს, ჩვენი მორალური მოვალეობაა მათი დაცვა და რაც შეიძლება მეტი ადამიანის გადარჩენა, მაგრამ ქვეყნიდან ყველა ავღანელს ვერ გამოვიყვანთ,“- აღნიშნა ევროკავშირის უმაღლესმა წარმომადგენელმა.

მისი თქმით, ავღანეთში არსებული მდგომარეობა კატასტროფულია.

„ჩვენ ავღანეთში ახალი და მტკივნეული რეალობის წინაშე აღმოვჩნდით. ეს არის კატასტროფა ავღანელი ხალხისთვის, დასავლური ღირებულებებისთვის, სანდოობისთვის და საერთაშორისო ურთიერთობების განვითარებისთვის. იყო ეს პროგნოზირებადი? შესაძლებელი იყო თუ არა მისი პრევენცია? ყველა შემთხვევაში, ეს არის კოშმარი,“ – აღნიშნა ჟოზეფ ბორელმა.

გააზიარეთ და მოიწონეთ სტატია:

მსგავსი სტატიები:

ჩვენ ტერიტორიული მთლიანობის აღდგენას მშვიდობიანი გზით ვცდილობთ – პრემიერი დაგვიანებული ეპისტოლე – ვერსიები და მიზეზები 1 აშშ დოლარის ოფიციალური ღირებულება 3.3035 ლარი გახდა “ლიბერთი” ბანკი ლანჩხუთის ქალთა გუნდის გენერალური სპონსორი გახდა ინფლაციის მატებაზე ყველაზე მეტად ბენზინისა და დიზელის გაძვირებამ იმოქმედა – ეროვნული ბანკი ღარიბაშვილი: “დაუშვებელი იყო ნაცმოძრაობის ლიდერების და მათი ჯგუფების პროტესტის ფორმა” ალბათ, “პუფის” საყიდლად წავიდა, რომ გვერდით “თავიანთ თავს მიუდგან”-ღუდუშაური ენმ-ზე გერმანაიში დასაქმებულებს კვლავ პრობლემები აქვთ – ქართველების ერთ ჯგუფს სხვა დამსაქმებელთან გადაიყვანენ