ლანჩხუთის ყოფილი მაჟორიტარი დეპუტატი ბიძინა გუჯაბიძე გარდაიცვალა
ლანჩხუთის ყოფილი მაჟორიტარი დეპუტატი ბიძინა გუჯაბიძე 64 წლის ასაკში, გულის შეტევით გარდაიცვალა.
ბიძინა გუჯაბიძე 2003-2008 წლებში გახლდათ მეექვსე მოწვევის პარლამენტის მაჟორიტარი დეპუტატი “ნაციონალური მოძრაობიდან”. მან მაჟორიტარობისთვის ბრძოლაში დაამარცხა “მოქალაქეთა კავშირის” წევრი გენერალი ჯონი ფირცხალაიშვილი. ხოლო, 2012-2016 წლებში — საქართველოს მე-8 მოწვევის პარლამენტის წევრი იყო, პარტიული სიით , საარჩევნო ბლოკი „ბიძინა ივანიშვილი – ქართული ოცნება“.
მისი მეუღლე მაკა სახურია სოციალურ ქსელში წერს რომ გარდაცვალების მიზეზი გულის შეტევა გახდა:
“ახლა მიტირეთ ყველამ… აღარ მყავს ჩემი კეთილი ბიძინა. ვერ გაუძლო გულმა…” – წერს სახურია.
ყოფილი მაჟორიტარის დაღუპვას სოცილურ ქსელში ტელეკომპანია მთავარის დირექტორი ნიკა გვარამიაც გამოეხმაურა:
“ახლა გავიგე, რომ ბიძინა გუჯაბიძე გარდაცვლილა.ეროვნული მოძრაობის ღირსშესანიშნავი ფიგურა; გურიაში ვარდების რევოლუციის ერთერთი მნიშვნელოვანი შემოქმედი; შემდეგ ოცნების უმრავლესობაში მყოფი და ჩემთვის მიუღებელი პოლიტიკური კუთვნილების მიუხედავად, მაინც ყოველთვის საყვარელი ადამიანი, წესიერი, ხალხის მოყვარული და ნამდვილი კაცი.
RIP ბიძინა გუჯაბიძე. ვიზიარებ ოჯახის და ყველა მეგობრის მწუხარებას.”- წერს გვარამია.
მსგავსი სტატიები:
ვასილ ჩიგოგიძე: მჯერა, ჩვენ ერთად გავიმარჯვებთ უკეთესი საქართველოსთვის
ოზურგეთის საბავშვო ბაღებში ბავშვების საკვები პროდუქტებით მოწამვლა გამოირიცხა
რა საკითხები განიხილა ოზურგეთის საკრებულომ- ჩამონათვალი
დაბა გომისმთაზე მიწის სისტემური რეგისტრაციის ფარგლებში ჩატარებული საკადასტრო აღწერის შედეგები საჯაროდ გამოქვეყნდა
შინაგან საქმეთა მინისტრის მოადგილემ გურიის პოლიციის დეპარტამენტის თანამშრომლებს ახალი ხელმძღვანელი წარუდგინა
მერაბ ჭანუყვაძის კედლიდან წაშლილი პოსტები _ ‘ოცნებაში“ დიდი გარჩევები დაიწყო
დედის გინებით დაწყებული დაპირისპირება ქვით სროლით გაგრძელდა _ რა მოხდა მჟავანაძეს და თოთიბაძეს შორის
რამ დაუგრძელა ენა გურიის დეპუტატის ბიუროს უფროსს