აბაშაში გაუჩინარებული მოზარდი გარდაცვლილი იპოვეს

საგანგებო სიტუაციების მართვის სამსახურის ინფორმაციით, საძიებო-სამაშველო ოპერაციის ფარგლებში, მოზარდის ცხედარს მდინარეში მიაკვლიეს:

„შინაგან საქმეთა სამინისტროს საზოგადოებრივი უსაფრთხოების მართვის ცენტრ “112”-ში შემოვიდა ინფორმაცია აბაშის მუნიციპალიტეტის სოფელ კეთილარში გაუჩინარებული არასრულწლოვნის შესახებ.

შეტყობინების ინიციტორის გადმოცემით, მოზარდი მდინარე რიონში ბანაობისას წყალში გაუჩინდარდა და საჭირო იყო მაშველების დახმარება.

სოფელ კეთილარის მიმართულებით, შეტყობინების მიღებისთანავე გავიდნენ პირველი მორეაგირე სამაშველო ჯგუფები სპეციალური მცურავი საშუალებებით და დაიწყო საძიებო-სამაშველო ღონისძიებები, როგორც წყალში, ასევე, მდინარის სანაპიროებზე.

სამუშაოების სწრაფად და ეფექტურად წარმართვის მიზნით, სხვადასხვა რეგიონიდან ადგილზე მოხდა დამატებითი სპეციალური ტექნიკის და ცოცხალი ძალის მობილიზება.

სამდღიანი უწყვეტი, 24 საათიანი საძიებო-სამაშველო ოპერაციის ფარგლებში, სახანძრო-სამაშველო ძალების დეპარტამენტის თანამშრომლების მიერ, მდინარეში ახალგაზრდა ადამიანის ცხედრი იქნა ნაპოვნი.

ადგილზე მუშაობს სახანძრო-სამაშველო ძალების დეპარტამენტის 105 თანამშრომელი, აჭარის, სამეგრელოს, ქვემო ქართლის რეგიონებიდან. ასევე, მობილიზებული იყო განსაკუთრებულ სიტუაციებზე რეაგირების მთავარი სამმართველოს სამაშველო ჯგუფი. მწყალქვეშა სამუშაოებს აწარმოებდა 6 მყვინთავი. მობილიზებული იყო 7 მცურავი საშუალება და დრონი. წყლის ფსკერის დათვალიერება მიმდინარეობდა სპეციალური სკანერის, ექოლოტის საშუალებით. მდინარის ნაპირზე მოწყობილი იყო სპეციალური საველე შტაბი“, – ნათქვამია საგანგებო სიტუაციების მართვის სამსახურის განცხადებაში.

გააზიარეთ და მოიწონეთ სტატია:

მსგავსი სტატიები:

9 წელი და წასული მე-5 პრემიერი – რა ქონებით ტოვებს გახარია პოსტს 7 სოფელს მესამე დღეა შუქი არ მიეწოდება- რა მდგომარეობაა ამ დროისთვის ოზურგეთში? “ღარიბაშვილის ერთადერთი დღის წესრიგი არის ის, რომ შური იძიოს „ერთიან ნაციონალურ მოძრაობაზე” სადღესასწაულო დღეებში სასაფლაოებზე გასვლა შეიზღუდება ლიეტუვის საგარეო საქმეთა მინისტრი საქართველოს ოფიციალური ვიზიტით ეწვევა “pfizer”-ის ვაქცინა საქართველოშია, ვაქცინაციისთვის რეგისტრაცია მოქალაქეებს დღეს, 15:00 საათიდან შეეძლებათ ბახვი 1 ჰესის პროექტის გაცნობის მიზნით, პროექტის მენეჯმენტი კლიმატის ცვლილების სამოქმედო რეგიონულ ჯგუფს შეხვდა “მეგობრებო, რა უნდა იცოდეთ,დასკვნები თავად გამოიტანეთ”-ნანუკა ჟორჟოლიანი