აშშ-სთვის  საქართველო რჩება პარტნიორად, თუმცა ამ ხელისუფლებამ მწარედ „გადააგდო“ ამერიკა- ლაგაზიძე

ამერიკისთვის საქართველო რეგიონში რჩება პლაცდარმი და პარტნიორი, თუმცა, ამ ფუნქციის შემსრულებელი საქართველოს დღევანდელი ხელისუფლება არ და ვერ არის. ეს არის ხელისუფლება, რომელმაც ძალიან მწარედ „გადააგდო“ ამერიკა და მისი სახელმწიფო მდივანი ერთი წლის წინ, – ამის შესახებ „ინტერპრესნიუსს“ პოლიტოლოგმა ხათუნა ლაგაზიძემ ოპოზიციასა და ხელისუფლებას შორის გუშინ გამართული შეხვედრის შეფასებისას განუცხადა.

როგორც ლაგაზიძე აღნიშნავს, ამერიკის დღის წესრიგშიც უნდა იყოს საქართველოში ისეთი ხელისუფლება, რომელსაც ენდობა, აქედან გამომდინარე, ძალიან მნიშვნელოვნად იზრდება ქართული ოპოზიციის როლი აშშ-ის თვალში.

„მე ამ შეხვედრას დავაკავშირები ერთგვარად მაიკ პომპეოს ვიზიტთან, თუმცა, არა იმ თვალსაზრისით, რომ პომპეო საქართველოში არჩევნებისთვის ჩამოდის. ვიტყვი იმას, რით უნდა ისარგებლოს ოპოზიციამ, ამ შემთხვევაში რა არის მისი უმთავრესი პლიუსი. პომპეოს ვიზიტი ამტკიცებს იმას, რომ საქართველო ამერიკას სჭირდება იმისთვის, რომ ამერიკამ საბოლოოდ არ დაკარგოს ეს რეგიონი და დააბალანსოს ძალიან გაზრდილი რუსული სამხედროების ყოფნა ამ რეგიონში. თუმცა, ყველაზე არსებითი არის ის, როგორ ვხედავთ ამ სიტუაციაში საქართველოს როლს და რა შეგვიძლია იქეთ შევთავაზოთ ამერიკას. რეგიონში მხოლოდ საქართველო რჩება პლაცდარმი და პარტნიორი. ამ ფუნქციის შემსრულებელი კი საქართველოს დღევანდელი ხელისუფლება არ და ვერ არის. ეს არის ხელისუფლება, რომელმაც ძალიან მწარედ „გადააგდო“ ამერიკა და მისი სახელმწიფო მდივანი ერთი წლის წინ, როცა პომპეომ მოითხოვა ანაკლიის პორტის მშენებლობის გაგრძელება, მოიხსნა პრემიერ-მინისტრი და ეს თემა დაკონსერვდა სრულიად მიზანმიმართულად „ქართული ოცნების“ მხრიდან. ამიტომ ამერიკის დღის წესრიგშიც უნდა იყოს საქართველოში ისეთი ხელისუფლება, რომელსაც ენდობა და იქნება მისთვის საყრდენი პარტნიორი. აქედან გამომდინარე, ძალიან მნიშვნელოვნად იზრდება ქართული ოპოზიციის როლი ამერიკის თვალში. თავის მხრივ, ოპოზიციამაც უნდა დაანახოს ამერიკას, რომ ის სოლიდური და მყარი პარტნიორი იქნება. ეს არის მთავარი გასაღები, რომელიც ქართულ ოპოზიციას ხელში უჭირავს. ამას თუ დაანახებს ამერიკელ პარტნიორებს, ის უფრო მოწადინებული იქნება, რომ აქტიური შუამავალი იყოს ამ მოლაპარაკების პროცეში და ჰქონდეს აქტიური პოზიცია“, – განაცხადა ლაგაზიძემ.

რაც შეეხება მოლაპარაკებების მაგიდასთან ოპოზიციის და ხელისუფლების დაჯდომას, როგორც ლაგაზიძე ამბობს, რეგიონში მიმდინარე პროცესების გათვალისწინებით, ამერიკა მაქსიმალურად მოერიდება დესტაბილიზაციას და ამ მიმართულებით ოპოზიციას ბევრი საფიქრალი აქვს.

„რაც შეეხება ხელისუფლების დაჯდომას მოლაპარაკებების მაგიდასთან, ის ცდილობს სახე შეინარჩუნოს და აჩვენოს დასავლეთს, რომ მას აქვს ამ მოლაპარაკებებისთვის მზაობა, არ უნდა ერთპარტიული პარლამენტი და ცდილობს შევიყვანოს ოპოზიცია საკანონმდებლო ორგანოში. ძალიან მნიშვნელოვანია ოპოზიციის ერთიანობის შენარჩუნება და ის, რომ არ დაკარგოს საზოგადოების მხარდაჭერა. რაც შეეხება მოლაპარაკებებს, გააჩნია რა იქნება დათმობის მასშტაბი.

რეგიონში არსებული სიტუაციიდან გამომდინარე, ამერიკა ძალიან გაუფრთხილდება საქართველოში სტაბილურობას“, – განაცხადა ლაგაზიძემ.

ამასთან, პოლიტოლოგმა აღნიშნა, რომ გუშინდელ შეხვედრაში პარლამენტის თავმჯდომარის და არა პარტიის აღმასრულებელი მდივნის მონაწილეობა გარკვეულწილად ნიშნავს იმას, რომ „ქართული ოცნება“ თანამშრომლობისთვის მზადყოფნას გამოხატავს.

„რაც შეეხება კობახიძეს და იმას, რომ ის არ იმყოფებოდა გუშინ მოლაპარაკებებზე, ეს გასაგებიცაა, რადგან მისი მთავარი ფუნქცია ოპოზიციასთან წითელი ნაჭრის როლის შესრულებაა, რომელსაც ხარს უფრიალებენ. ხელისუფლება კარგად ხვდება, რომ ამ ტიპის ადამიანის გაშვება დიპლომატებთან საურთიერთოდ არაფერში წერია. ეს არ არის უკან დახევა ხელისუფლების მხრიდან. „ქართულ ოცნებაში“ როლები განაწილებულია. კობახიძე სჭირდებათ ყველაფრის მკადრებლის როლში. კალაძე და თალაკვაძე სხვა როლში ჰყავთ, კერძოდ, თანამშრომლობისთვის მზადყოფნას გამოხატავენ. სხვები პირობებს აყენებენ და ამგვარად ანაწილებს ხელისუფლება როლებს“, – განაცხადა ლაგაზიძემ.

ცნობისთვის, აშშ-ს ელჩის რეზიდენციაში უმრავლესობისა და ოპოზიციის ლიდერებს შორის გუშინ შეხვედრა გაიმართა. შეხვედრას დიპლომატებიც ესწრებოდნენ.

გააზიარეთ და მოიწონეთ სტატია:

მსგავსი სტატიები

  • 84
    "ამ ქვეყანაში ივანიშვილმა, ბელადომანია დაამარცხა""საბანს ყველა თავისკენ­ ქაჩავს­ და ამასობაში ქვეყანა ყველას ავიწყდება. სკამების გამო ერთმანეთს თუ არ დავღრღნით, კარგი იქნება" პოლიტიკის გამო ქართველები კიდევ ერთხელ დაუპირისპირდნენ ერთმანეთს: "ქართული ოცნების" მომხრეები ამტკიცებენ, რომ 31 ოქტომბერს ჩატარებული არჩევნების შედეგი სავსებით ლოგიკურია, მოწინააღმდეგეები კი მიიჩნევენ, რომ არჩევნები გააყალბეს. ამის თაობაზე კამათობენ თითქმის ყველგან, ზოგჯერ უახლოესი ადამიანებიც…
    Tags: და, არ, რომ, ამ, ეს, არის
  • 84
    ვინ არის 31 წლის ხატია ჭყონია, რომელმაც ლანჩხუთელი გოგონები ჩემპიონთა ლიგაზე გაიყვანა19 ნოემბერს ლანჩხუთის ქალთა საფეხბურთო გუნდმა რუმინეთის ჩემპიონ „კლუჟს“ ფლეი ოფის ფინალში გასვლაზე 1-0 მოუგო. ლანჩხუთის ქალთა გუნდი ჩემპიონთა ლიგის ძირითად ბადეში – ევროპის საუკეთესო 16-ეულში მოხვდა. წილისყრა 24 ნოემბერს უეფას ოფისში გაიმართა და გოგონები შინ ლანჩხუთში ქალთა ჩემპიონთა ლიგაზე ორმატჩიან დუელში, შვედურ „როსენგარდს“ დაუპირისპირდებიან.     გადამწყვეტი გოლი რუმინელების…
    Tags: და, ძალიან, რომ, ამ
  • 83
    TI: ხელისუფლება ივანიშვილის გავლენის ქვეშაასაერთაშორისო გამჭვირვალობა-საქართველო აქვეყნებს მოკვლევას არაფორმალური მმათველობის პრობლემასა და მისი შედეგების შესახებ. ორგანიზაციის შეფასებით, "ქართული ოცნების მმართველობის ორი ვადის გასვლის თავზე დაგროვილი მტკიცებულებები საკმარისია იმის სათქმელად, რომ კორუფციამ საქართველოში სახელმწიფოს მიტაცების ფორმა მიიღო დღეის მდგომარეობით, საქართველოს ხელისუფლების აღმასრულებელი შტო მთლიანად ერთი ადამიანის გავლენის ქვეშაა. აღმასრულებელ ხელისუფლებას გამოცლილი აქვს შეკავებისა და გაწონასწორების დემოკრატიული მექანიზმები, რაც განპირობებულია…
    Tags: და, არ, რომ
  • 81
    "ახლა, როცა ამ წერილს ვწერ..."- თაკო ჩარკვიანის ვრცელი წერილი ივანიშვილსპარტია "კანონი და სამართალი" ერთ-ერთი ლიდერი თაკო ჩარკვიანი სოციალურ ქსელში პოსტს აქვეყნებს და ბიძინა ივანიშვილს წერილით მიმართავს: "პატარა წერილი ივანიშვილს! " ახლა, როცა ამ წერილს ვწერ შუა ღამე , იწვის დნება" დღეს გალაკტიონის დაბადების დღეა და გამახსენდა ეს სტრიქონები და ისიც გამახსენდა, რომ ახლა თქვენ უთუოდ გძინავთ ღრმა ძილით, რადგან…
    Tags: და, რომ, არ, ამ