ტრანსგენდერი ქალის დაჭრის ბრალდებით, შსს-მ 2000 წელს დაბადებული პირი დააკავა

ცირკის მიმდებარედ ტრანსგენდერი ქალის დაჭრის ბრალდებით, შსს-მ 2000 წელს დაბადებული პირი დააკავა. ინფორმაციას თავად შსს ავრცელებს:

“გამოძიებით დადგინდა, რომ ბრალდებულმა მიმდინარე წლის 27 აგვისტოს, თბილისში, ცირკის მიმდებარე ტერიტორიაზე, ავტომობილით გადაადგილებისას, ქვეითად მყოფ ტრანსგენდერ ქალს – 1993 წელს დაბადებულ ჯ.ც.-ს, გენდერული იდენტობის ნიშნით შეუწყნარებლობის მოტივით, პნევმატური იარაღიდან გასროლით ჯანმრთელობის მსუბუქი დაზიანება მიაყენა და მიიმალა.

სამართალდამცველებმა, ჩატარებული ოპერატიული და სამძებრო ღონისძიებების შედეგად, ნ.ქ. მომხდარიდან რამდენიმე საათში ბრალდებულის სახით დააკავეს. ნივთმტკიცებად ამოღებულია დანაშაულის ჩადენის იარაღი – პნევმატური პისტოლეტი”, – წერია შსს-ს განცხადებაში.

გააზიარეთ და მოიწონეთ სტატია: