იუსტიციის სამინისტროს ინფორმაციით, 1-ლი სექტემბრიდან ერთი თვის განმავლობაში პირადობის დამადასტურებელ მოწმობას უფასოდ გასცემენ. უწყების ცნობით, ინიციატივა საარჩევნო პროცესის შეუფერხებლად წარმართვას უკავშირდება.
ერთი თვის განმავლობაში პირადობის მოწმობის საფასურის გადახდისგან გათავისუფლდებიან:
- საქართველოს ის სრულწლოვანი მოქალაქეები, რომელთა სახელზე ამ დრომდე არ ყოფილა გაცემული საქართველოს მოქალაქის პირადობის დამადასტურებელი არც ერთი დოკუმენტი;
- ასევე არასრულწლოვანი მოქალაქეები, რომელთაც აქციის დასრულებამდე, 1 ოქტომბრამდე უსრულდებათ 18 წელი;
- მოქალაქეები, რომელთა პირადობის დამადასტურებელი დოკუმენტების ფოტოსურათები გამოუსადეგარია(უხარისხოა), ან არ ინახება სახელმწიფო სერვისების განვითარების სააგენტოს მონაცემთა ელექტრონულ ბაზაში.
ასევე, იუსტიციის სამინისტროს ინფორმაციით, პირობის მოწმობას უფასოდ აიღებენ:
- რეგისტრაციიდან მოხსნილი პირები, თუ ისინი დარეგისტრირდებიან კორექტულ მისამართზე;
- მისამართის გარეშე რეგისტრირებული მოქალაქეები, თუ ისინი გაივლიან რეგისტრაციას კორექტულ მისამართზე;
- მოქალაქეები, რომელთაც არ აქვთ იურიდიული ძალის მქონე არც ერთი დოკუმენტი;
- ის პირები, რომლებიც რეგისტრირებული არიან საქართველოს ოკუპირებულ ტერიტორიაზე და არ ფლობენ იძულებით გადაადგილებული პირის სტატუსს; ამასთან, გაუქმებული აქვთ პირადობის მოწმობა.
მათივე ინფორმაციით, დოკუმენტის გაცემისას მოქალაქეები გათავისუფლდებიან როგორც პირადობის მოწმობის, ისე ფოტოსურათის გადაღების საფასურისგან. აქციით სარგებლობა პირს მხოლოდ ერთხელ შეუძლია.
პირადობის დამადასტურებელი დოკუმენტის უფასოდ აღების მსურველებმა იუსტიციის სახლებს, სახელმწიფო სერვისების განვითარების სააგენტოს ტერიტორიულ სამსახურებს ან საზოგადოებრივ ცენტრებს უნდა მიმართონ.
გააზიარეთ და მოიწონეთ სტატია:
მსგავსი სტატიები:
“კობახიძემ ყველა ჩამოიშორა და იმყარებს ძალაუფლებას”
ლანჩხუთის გურიას ახალი მწვრთნელი ჰყავს
Le Figaro- “საქართველო: პოლიტიკური კრიზისი რუსული სურნელით”
10 რჩევა ლუიზა ჰეისგან – როგორ შეიყვარო თავი
ბაიდენი NATO-ს აღმოსავლეთ ევროპის სამიტს უერთდება
ნიკა მელია “ნაციონალური მოძრაობის” ოფისში მივიდა
ბერძნულ-რომაულ ჭიდაობაში მსოფლიო ჩემპიონი ნუგზარ წურწუმია და ასევე მოჭიდავე ნიკა ყორშია დააკავეს
რა წერია სინოდის განჩინებაში ვაქცინაციის შესახებ