“მანდ რომ რაღაც უბედურება ტრიალებს, რად უნდა ამას ბევრი მსჯელობა” – ვახო სანაია

ევროკავშირის დახმარებაზე უარის თქმის საკითხს ჟურნალისტი ვახო სანაია “ფეისბუქის” პირად გვერდზე შემდეგნაირად ეხმაურება:

“ხალხო, “ქართული ოცნება” ფულზე უარს რომ იტყვის, მანდ რომ რაღაც უბედურება ტრიალებს, რად უნდა ამას ბევრი მსჯელობა 
“ქართული ოცნება…” ევროკავშირი …ფული….უარი,” – წერს სანაია.

გუშინ, პრემიერ-მინისტრმა ირაკლი ღარიბაშვილმა განაცხადა, რომ საქართველოს მთავრობას გადაწყვეტილი აქვს, ევროკავშირისგან 2021 წელს მაკროფინანსური დახმარების მეორე ტრანში არ მიიღოს. აღნიშნულის არგუმენტად ღარიბაშვილმა ერთი მხრივ, „საქართველოში მაღალი ეკონომიკური ზრდა“, მეორე მხრივ კი, საგარეო ვალის შემცირების სურვილი დაასახელა.

ევროპარლამენტანა, ვიოლა ფონ კრამონმა განაცხადა, რომ საქართველოს მთავრობამ არ შეასრულა ევროკავშირის მიკროფინანსური დახმარების მეორე ტრანშის მიღების პირობები და ამიტომ, ვერ იტყოდა უარს იმაზე, რისი მიღების უფლებაც არ ჰქონდა.

„სამწუხაროდ, საქართველოს მთავრობამ არ შეასრულა ევროკავშირის მიკროფინანსური დახმარების მეორე ტრანშის მიღების პირობები: სასამართლო სისტემა და ა.შ. თქვენ ვერ იტყვით უარს იმაზე, რისი მიღების უფლებაც არ გქონდათ. ჩვენ ქართველი ხალხის გვერდით ვდგავართ“, – განაცხადა კრამონმა.

ირაკლი ღარიბაშვილის თქმით, ევროპარლამენტარებმა ზედაპირული განცხადებები არ უნდა აკეთონ.

„თუ მათ აინტერესებთ საქმის ვითარებაში და არსში გარკვევა, უნდა გაარკვიონ და არა ზედაპირული განცხადებები აკეთონ. არ მაინტერესებს, ვინ რა თქვა, მე ვეუბნები ჩვენს ხალხს, რომ ეს იყო სესხი და ჩვენ დამატებითი სესხის აღებაზე ვთქვით უარი“, – განაცხადა საქართველოს პრემიერ-მინისტრმა.