FAO-ს სურსათის ფასების ინდექსი ხორბლის, შაქრისა და პალმის ზეთის ხარჯზე გაიზარდა. ინფორმაციას გაეროს სურსათისა და სოფლის მეურნეობის ორგანიზაცია ავრცელებს.
FAO-ს სურსათის ფასების ინდექსით, რომელიც სამომხმარებლო კალათის 5 ძირითადი პროდუქტის – რძის, მარცვლეულის, მცენარეული ზეთის, შაქარის, ხორცის საერთაშორისო ფასების ცვალებადობას ასახავს – აგვისტოში 3.1%-ით გაიზარდა და 127.4 ქულა შეადგინა. აღნიშნული მაჩვენებელი, 2020 წლის ამავე პერიოდის ნიშნულს 32.9%-ით აღემატება.
„9.6%-ითაა მომატებული FAO-ს შაქრის ფასების ინდექსი, რასაც ხელი შეუწყო შაქრის ყველაზე მსხვილ მწარმოებელ ქვეყანაში, ბრაზილიაში, შაქრის კულტურების დაზიანებამ. შაქრის ფასის მომატების ნაწილობრივი კომპენსაცია ინდოეთში და ევროპაში კარგი მოსავლის მოლოდინის, ნავთობისა და ბრაზილიური ვალუტის, რეალის, გაიაფების ხარჯზე მოხერხდა.
აგვისტოში, მცენარეულ ზეთზე ფასები, წინა თვესთან შედარებით, 6.7%-ით გაიზარდა და ისტორიულ რეკორდს დაუბრუნდა. ფასების ზრდის მიზეზად, მალაიზიაში, პალმის ზეთის დაბალმა წარმოებამ და შესაბამისად, შემცირებულმა მარაგმა იმოქმედა. ასევე მომატებულია რაფსის და მზესუმზირის ზეთის ფასი.
აგვისტოში FAO-ს მარცვლეულის ფასების ინდექსმა 4.3%-ით მოიმატა. 8.8% მომატებულია ფასები ხორბალზე. ფასის მომატება განპირობებულია ამ კულტურის მსხვილ ექსპორტიორ ქვეყნების მოსავლის შემცირებული შეფასებებით. სიმინდის ფასი შემცირებულია 0.9%-ით, რადგან არგენტინის, ევროკავშირის და უკრაინის მომატებულმა წარმოებამ, ბრაზილიის და აშშ-ს შემცირებული მოსავლის მოლოდინის კომპენსაცია მოახერხა. ბრინჯის ფასი საერთაშორისო ბაზარზე ისევ კლებულობს.
ივლისთან შედარებით, მცირედ მომატებულია საქონლის და ცხვრის ხორცის ფასების ინდექსი, ეს ჩინეთის მხრიდან ხორცის შესყიდვებს და ახლო აღმოსავლეთის და ფრინველის ხორცზე აღმოსავლეთ აზიის ქვეყნების გაზრდილ მოთხოვნას უკავშირდება. რაც შეეხება ღორის ხორცის ფასს – ის კლებულობს, რადგან ჩინეთის და ევროკავშირის ქვეყნების მოთხოვნა შემცირდა.
უმნიშვნელოდ შემცირდა რძის პროდუქტების ინდექსი, რაც რძის ფხვნილზე მოთხოვნის შემცირებასთანაა დაკავშირებული. კარაქის და ყველის ფასები მცირდება ოკეანიის ქვეყნების საექსპორტო შესაძლებლობების გაუმჯობესების გამო“, – ნათქვამია გაეროს სურსათისა და სოფლის მეურნეობის ორგანიზაციის მიერ გავრცელებულ ინფორმაციაში.
მსგავსი სტატიები:
“რაც მიკეთებია, ყველაფერი შეუძლებელი მეგონა”
“სტუდენტების დასახმარებლად დაფინანსების პროგრამები ფართოვდება”
„მოასმენინეთ ბავშვებს თემურის სიმღერები, ვაჟკაცები გაიზრდებიან“
“11 თებერვალს რუსეთის ჩარევით, ილია მეორის გადაყენება იგეგმება” – რელიგიურ ექსპერტთა ასოციაცია
2020 წელს შსს-მ ოჯახში ძალადობის 9144 მსხვერპლი გამოავლინა, საიდანაც 7573 ქალია
დღეიდან, თბილისი წიგნის მსოფლიო დედაქალაქია! [ვიდეო]
თურქეთში სრული ლოკდაუნი ცხადდება
რას წერს “სინოფარმის” ვაქცინის შესახებ ნანა გეგეჭკორი