კეზერაშვილი Facebook-ზე წერს, რომ გადაწყვეტილებას სტრასბურგის სასამართლოში გაასაჩივრებს.
“ივანიშვილის პირადი იურისტისა და ყოფილი გენერალური პროკურორის ხელით, უზენაეს სასამართლოში მიღებული გადაწყვეტილება, კიდევ ერთი ნაბიჯია მისი მხრიდან, სასამართლო სისტემის საკუთარ ვიწრო პოლიტიკურ ამოცანებზე მორგებისა.
მე ჩემი ქვეყნის მიმართ განსაკუთრებული სიყვარული და პასუხისმგებლობის გრძნობა გამაჩნია. სწორედ ეს პასუხისმგებლობა წარმოადგენდა და წარმოადგენს მთავარ მოტივს, წლების განმავლობაში, საქართველოში თავისუფლებისთვის ბრძოლის ნებისმიერი გამოვლინების აქტიური გულშემატკივარი და თანამდგომი ვყოფილიყავი – იქნებოდა ეს სამოქალაქო აქტივიზმი თუ ხელისუფლების გავლენებისგან თავისუფალი, დასავლურ ფასეულობებზე დაფუძნებული მედიასაშუალების მხარდაჭერა.
უზენაესი სასამართლოს მიერ მიღებულ სამარცხვინო გადაწყვეტილებას აუცილებლად გავასაჩივრებ სტრასბურგის სასამართლოში. თადუმაძე და ივანიშვილის ჯიბის სასამართლო მხოლოდ იმისთვის არსებობს, რომ ყველაფერი იკადროს – მათსავე სასამართლოს ორ ინსტანციაში ჩემი უდანაშაულობის უტყუარი მტკიცებულებებით გამართლებისა და თითქმის ოთხწლიანი პაუზის შემდეგ, საქმე ამგვარად შემოატრიალოს.
ჩემთვის ცნობილია, რომ უშუალო ინიციატორი და ორგანიზატორი ამ უმსგავსობისა ივანიშვილის ხელის ბიჭი ირაკლი ღარიბაშვილია. სწორედ ის ფიქრობს, რომ ამდაგვარად დააშინებს ან დამაშანტაჟებს მე, ან ჩემს მიერ მხარდაჭერილ ტელევიზიას.
ეს კიდევ ერთხელ მარწმუნებს, რომ ისტორიის სწორ მხარეს ვარ და მიმყარებს მოტივაციას, უფრო მეტი ენთუზიაზმით დავეხმარო თავისუფალ სიტყვას და ზოგადად თავისუფლებისთვის ბრძოლას საქართველოში”, – წერს დავით კეზერაშვილი.
საქართველოს უზენაესმა სასამართლომ თავდაცვის ყოფილ მინისტრს, დავით კეზერაშვილს 5-წლიანი პატიმრობა მიუსაჯა. კეზერაშვილს ბრალდება ერთ-ერთ საწვრთნელ პროექტში 5 მილიონ 60 ათასი ევროს გაფლანგვისთვის ჰქონდა წარდგენილი.
მსგავსი სტატიები:
“ქართული ოცნების” ხელისუფლება დაემხობა და”….
პროფესორ-მასწავლებლები მთავრობას: უარი თქვით ქვეყნის დემოკრატული განვითარების შეფერხებაზე
“დასავლეთი ამას არ გადაყლაპავს”
ამირან გამყრელიძე განმარტავს, თუ რატომ გადაწყდა სკოლებსა და სასწავლებლებში სწავლის აღდგენა
“მელიამ დატოვა საპატიმრო არ ნიშნავს, რომ მისი საკითხი დახურულია”
გინდათ დამაჯეროთ, რომ ამ ქვეყნის ერი გონებრივად ჯანმრთელია?!”
“გვაქვს ინფორმაცია, რომ აგვისტო იქნება ის პერიოდი, როდესაც შეეცდებიან ოპოზიციური მედიების გაჩუმებას და დახურვას”
ვუერთდები პარტნიორების იმედგაცრუებას… ჩვენ მათ ეს პოზიცია ათასგზის გავუზიარეთ… – გია ვოლსკი