ვაქცინაციის საბჭოს სხდომის დასრულების შემდეგ, პედიატრმა თემურ მიქელაძემ განაცხადა, რომ 12 წლის ზემოთ მხოლოდ ის ბავშვები აიცრებიან, რომლებსაც მძიმე ქორნიკული დაავადებები აქვთ, თუმცა ვაქცინაცია სურვილის მიხედვით მოხდება. მისივე თქმით, ამ ეტაპზე არ არის სავალდებულო იმ არასრულწლოვნების აცრა, რომლებიც რისკ-ჯგუფს არ განეკუთვნებიან.
„ჩემი მიმართვით რამდენიმე ბავშვი დღესაც აიცრა. 12-დან 16 წლამდე ვაქცინაციის ერთეული შემთხვევაა და ვისაც ქრონიკული დაავადება აქვს, აცრა მხოლოდ მას ჩაუტარდათ. პირადად ჩემი 3 პაციენტი იყო და ვაქცინაციას არანაირი გართულება არ მოჰყოლია. აცრის შემდეგ, ერთმა მათგანმა კორონვიორუსი ძალიან მსუბუქი ფორმით გადაიტანა.
ჩემი რეკომენდაციაა, რომ რისკჯგუფის მქონე ბავშვებს ჩაუტარდეთ ვაქცინაცია.
იმ არასრულწლოვნებში, რომლებსაც რაიმე ტიპის პათოლოგია არ აქვთ, მსუბუქი ფორმით მიმდინარეობს ინფექცია, ამიტომ აუცილებელი არაა მათი აცრა. სჯობს, ეს ვაქცინები ჯერ მოწყვლად ჯგუფებზე გამოვიყენოთ, სადაც ინფექციამ შეიძლება ლეტალობა გამოიწვიოს.
ვაქცინის გაკეთება შესაძლებელია მშობლების მომართვის საფუძველზე – მათი თანხმობის გარეშე აცრა ვერ გაკეთებდა.
ვისაც აცრის სრვილი აქვს, დღესვე შეუძლია მიმართოს ოჯახის ექიმს – ისინი ავსებენ სპეციალურ ფორმას, რომელიც იგზავნება სამინისტროში. მეორე-მესამე დღესვე ეს ბავშვები აიცრებიან, ოღონდ ვაქცინის გაკეთება უნდა იყოს მშობლის ნება და ოჯახის ექიმმაც დაასაბუთოს, თუ რატომ საჭიროებს ბავშვი აცრას“.
etaloni.ge
მსგავსი სტატიები:
გურიის პირველ პოლიციელს კორონავირუსი დაუდასტურდა (ექსკლუზივი)
რეკომენდაცია კოვიდის შესახებ-ექიმი მარინა ტოტოჩავა
ჯანმო-ს საგანგებო განცხადება
რა მოხდება, თუ ვაქცინაცია დროულად არ დაიწყება – ნანა გეგეჭკორის განმარტება
ნებისმიერ დროს შესაძლებელია დასრულდეს გულის გაჩერებით – რატიანი 27 წლის ექთანზე
მასწავლებლები და ბაღის აღმზრდელები, სავარაუდოდ, ჩინური ვაქცინით აიცრებიან
PBS-მა ზურაბ გურული და ნანა გეგეჭკორი COVID 19-ის გმირებად მოიხსენია
“რა უშველოთ, ტვინს და მეხსიერებას, თუ ექიმთან , ვერ მიდიხართ”-ექიმი მარინა ტოტოჩავა