წარჩინებულ კურსდამთავრებულები მედლებს ოქტომბერში მიიღებენ – აღნიშნულის შესახებ განათლებისა და მეცნიერების სამინისტროში განგვიცხადეს.
უწყებაში განგვიმარტეს, რომ შესყიდვის პროცედურის დასრულებისთანავე მედლები ერთიანად გადაცემა იმ წარჩინებულ კურსდამთავრებულებს, რომლებმაც სკოლა 2017-2018, 2018-2019 და 2019-2020 სასწავლო წლებში დაასრულეს.
„ჯერჯერობით შესყიდვის პროცედურა მიმდინარეობს და როგორც კი დასრულდება შემდეგ ერთიანად მოხდება მედლების გაცემა. სავარაუდოდ, მედლების გაცემა დაიწყება ოქტომბრის დასაწყისსა და შუა რიცხვებში. მედლებს ის წარჩინებული მოსწავლეები მიიღებენ, რომლებმაც სკოლა წარჩინებით 2017-2018, 2018-2019 და 2019-2020 სასწავლო წლებში დაამთავრეს“, – განგვიცხადა, განათლებისა და მეცნიერების სამინისტროს წარმომადგენელმა.
შეგახსენებთ, რომ რამდენიმე წელია კურსდამთავრებულები მედლებს უშედეგოდ ელოდებიან. სამინისტროს მიერ არაერთხელ გამოცხადებული ტენდერის ჩაშლის მიზეზი კი მრავალგვარი იყო – კომპანიის კვალიფიკაციიდან დაწყებული, შესასყიდი თანხის არასაკმარისობით დამთავრებული. ოქტომბერში მედალს 8 735 კურსდამთავრებული ელის, რომელთა ნაწილიც დღეს მესამე კურსის სტუდენტია.
აღსანიშნავია, რომ ქვეყნის მასშტაბით საერთო ჯამში სამი სასწავლო წლის განმავლობაში 6 622 ოქროს, ხოლო 2 113 ვერცხლის მედალოსანი კურდამთავრებული გვყავს .
etaloni.ge
მსგავსი სტატიები:
ოზურგეთის საოლქო საარჩევნო კომისიის წევრს კორონავირუსი დაუდასტურდა _ რა ხდება ამ დროისთვის ოლქში
300 000 სამუშაო ადგილი – როგორი ანაზღაურებაა გერმანიაში?
“მხოლოდ ღმერთმა იცის, ვის რა სინანული აქვს შიგნით, გარეგნული ნიშნით ნურავის შეაფასებ!…”
რა კითხვით მიმართავს პეტრე კოლხი ლევან ვასაძეს
ბოლო ერთი კვირის მანძილზე ყოველ მილიონ ადამიანზე, სიკვდილიანობის მაჩვენებლით საქართველო პირველ ადგილზეა
აშშ-ში პანიკაა – მოსახლეობა საწვავს იმარაგებს
“არსად ისე არ გრძნობს ადამიანი თავს როგორც სახლში სადაც დაიბადა.. ჩემი ნენა”
გამყრელიძე: ქორწილში წასვლის ნაცვლად, წავიდეთ და ავიცრათ