პროკურატურა ე.წ. ფარულ ჩანაწერებთან დაკავშირებით განცხადებას ავრცელებს. მასში აღნიშნულია, რომ საქართველოს პროკურატურაში მედიასაშუალებების მიერ ფარულ ჩანაწერებთან დაკავშირებით გავრცელებულ ინფორმაციაზე საგამოძიებო და საპროცესო მოქმედებები აქტიურად ტარდება.
„გამოძიების ფარგლებში, გავრცელებული ინფორმაციის მოპოვების დაგავრცელების კანონიერების, ასევე ავთენტურობის დასადგენად მიმდინარეობს საქმესთან შემხებლობაში მყოფი პირების გამოკითხვები და საჭირო საგამოძიებო/საპროცესო მოქმედებები როგორც მონაწილე პირთა იდენტიფიცირების, ასევე აღნიშნული მასალების ავთენტურობის, მასალების შემდგენი და მომპოვებელი პირების დადგენის მიზნით. გამოძიების ფარგლებში განხორციელდა ინტერნეტსივრცეში ატვირთული ელექტრონული ფაილების გადმოწერა, ასევე, მიმდინარე რეჟიმში ხდება საჯაროდ გავრცელებული ინფორმაციის დამუშავება და ანალიზი.
სამართლებრივი დახმარების ფარგლებში მივმართეთ ამერიკის შეერთებულ შტატებს და სხვა ქვეყნებს გამოძიებით დადგენილ სერვერებზე მონაცემების შენახვის და გამოთხოვის მიზნით. მიმდინარე გამოძიების პროცესში ინტენსიურ რეჟიმში იკითხებიან მოწმეები, მათ შორის იმ მედიასაშუალებების წარმომადგენლები, რომელთაც მიიღეს შესაბამისი შეტყობინება ინტერნეტ სივრცეში განთავსებული ინფორმაციის თაობაზე, გამოკითხვისას თითოეულ მათგანს შეეთავაზა გამოძიებას მიაწოდონ მათ ხელთ არსებული ინფორმაცია. აქვე, მოვუწოდებთ ყველა იმ პირს, ვინც ფლობს ინფორმაციას აღნიშნულ მასალებზე ან ფიგურირებს მედიის მიერ გავრცელებულ ინფორმაციებში, მოგვმართონ და ითანამშრომლონ გამოძიებასთან. ასევე, აღნიშნული მასალა შესაძლოა შეიცავდეს პირადი ცხოვრების, კერძო კომუნიკაციის, სამსახურებრივი, პროფესიული, კომერციული ან/და სახელმწიფო საიდუმლოების შემცველ ინფორმაციას, რომლის გავრცელებაც წარმოადგენს კანონდარღვევას. ამიტომ, კიდევ ერთხელ მოვუწოდებთ ყველას, თავი შეიკავონ ამ ინფორმაციის საჯაროდ გავრცელებისგან, რათა არ შეილახოს ფიზიკური და იურიდიული პირების, აგრეთვე სახელმწიფო ინტერესები. სისხლის სამართლის საქმეზე გამოძიება გაგრძელდა სსკ-ის 158-ე მუხლის I, II და IV ნაწილებით”, – აღნიშნულია პროკურატურის განცხადებაში.
მსგავსი სტატიები:
ფეხბურთელი ანა გობრონიძე “გურული დღიურების” სტიპენდიანტი გახდა
“საჩუქარი საკნიდან, რომელიც ნიკა მელიამ მეუღლეს გამოუგზავნა”
ფოტიგა: საჭიროა დიალოგის ფასილიტაცია, რაც, სავარაუდოდ, ახალ არჩევნებამდე მიგვიყვანს
“რა ქნას, მოშივდა საბრალოს,ფულის კეთების ყველაზე ადვილი მეთოდი ჩემი ლანძღვაა-მიხეილ სააკაშვილი ვაშაძეზე
პირობები გაუარესდა, იატაკი სინესტისგან ჩაიმტვრა და ადამიანმა ფეხი იღრძო! – აი, ამ პირობებში აგრძელებენ ცხოვრებას გერმანიაში ლეგალურად დასაქმებული ქართველები
“ყველა ბავშვში ჩემს ვაკუნას ვხედავ” – 71 წლის ბაბუა ჩოხატაურიდან, რომელმაც ბევრის ცხოვრება შეცვალა
“შეკითხვა #41 – ეს გახარიას კომპრომატია, თუ კალაძის?!” – ხუხაშვილი
ძლიერმა წვიმამ და გამუდმებულმა წვიმებმა პრობლემები შექმნა ოზურგეთის მუნიციპალიტეტში