“გამოგვიცხადეს, რომ დეკემბრის პირველი კვირიდან კორონავირუსზე ვაქცინაცია დაიწყება“ – სიახლე ამერიკაში მცხოვრები ქართველი ექიმისგან

ნიუ-იორკში მცხოვრები ქართველი ექიმი, ნანა გეგეჭკორი, რომელიც სოციალურ ქსელში გამოცდილებას თავის თანამემამულეებს პერიოდულად უზიარებს, „ფეისბუქზე“ კორონავირუსის ვაქცინის შესახებ სიახლეს წერს.

როგორც ქართველი ექიმი ამერიკიდან გვატყობინებს, კლინიკაში, სადაც ის ამჟამად მუშაობს, ვაქცინაცია დეკემბერში უნდა დაიწყოს.

ნანა გეგეჭკორი: „დღეს გამოგვიცხადეს სამსახურში, რომ დეკემბრის პირველი კვირიდან კორონავირუსზე თანამშრომლების ვაქცინაცია დაიწყება. როგორც ჩანს, ორივე კომპანია, “ფაიზერიც” და “მოდერნაც” ცდილობს emergency use ავტორიზაცია სასწრაფოდ მოიპოვოს.

ჰოსპიტალმა დაიწყო საჭირო პირობების ორგანიზება ვაქცინების შესანახად. თანამშრომლები რისკ ჯგუფებად დახარისხდებიან და რიგის მიხედვით მოხდება მათი აცრა.

ჯერჯერობით საუბარია ნებაყოფლობით აცრაზე.

გრიპის ვაქცინა სავალდებულოა უკვე წლებია. ხშირად მეკითხებიან და აქვე დავწერ. გრიპზე მეც და მთელი ჩემი ოჯახი, 9 და 10 წლის შვილების ჩათვლით ავიცერით ჯერ კიდეც ოქტომბრის დასაწყისში.

აქვე გვითხრეს, რომ საუდის არაბეთი იწყებს მთლიანი მოსახლეობის აცრას ჩინური ვაქცინით, ისრაელის მთავრობამ შეიძინა “მოდერნა”, “ფაიზერი” და რუსული ვაქცინაც კი. განსხვავებული პროპორციით იგივე გააკეთეს ევროპული ქვეყნების მთავრობებმაც და პირველი ყველგან რისკ ჯგუფები აიცრებიან. ცხადია, ფრონტ ლინერს პირველები.

მოკლედ, იქნებ შემდეგი წელი ყველას ერთად უკეთესი გვქონდეს. მანამდე კი გთხოვთ, დაიცავით პრევენციის წესები. დაინდეთ ერთმანეთი და წინა ხაზის მებრძოლები.

ნიღაბი, დისტანცია, ჰიგიენა!!! ქორწილებს, დაბადების დღეებს და კოვიდ-საშიშ გართობებს ვაქცინაციის მერე ყველანი მოვასწრებთ.

პ.ს. აცრის გაკეთებასთან დაკავშირებით ჯერაც ველოდები კვლევის შედეგებს, რომ ინფორმირებული გადაწყვეტილება მივიღო“.

გააზიარეთ და მოიწონეთ სტატია:

მსგავსი სტატიები:

„რესპუბლიკური პარტია“ მანდატებზე უარის თქმის თაობაზე პარლამენტს დღეს არ მიმართავს “სააკაშვილს შეიძლება ჟირინოვსკიზე მეტი ჰქონდეს რუსეთისთვის გაკეთებული”- მდინარაძე კარგი იქნება, თუ პარლამენტში როიალი იქნება- გია ვოლსკი ელისო ბოლქვაძის ინიციატივაზე ოლიგარქი ფსევდო ოპოზიციას ქმნის?- ჩხარტიშვილი – გახარიას ახალი პარტია “ოპოზიციის ნაწილმა წამოაყენა ულტიმატუმები, რაც ითვალისწინებდა კანონის უზენაესობის ფეხქვეშ გათელვას” “ნეტა ნათქვამისთვის აზრის დატანებას ვისწავლიდეთ ოდესმე” საქართველო, უკრაინა და კოსოვო პირველი 3 ევროპული ქვეყანაა, რომელსაც ვაქცინას გადავცემთ — აშშ “ვაშაძე თუ ძველი ბიჭი იყო, არ მეგონა, ბოლო დროს ყველას გვეძველბიჭება”