“მიხეილ სააკაშვილი პოლიტიკური პატიმარია…პირადი ემოციების მიუხედავად ვინარჩუნებ სიმშვიდეს და რწმენას, რომ ამ ბრძოლიდან გამარჯვებულები გამოვალთ”-სანდრა რულოვსი

საქართველოს ყოფილი პირველი ლედი, სანდრა რულოვსი “ფეისბუქის” პირად გვერდზე განცხადებას ავრცელებს. მისი თქმით, მიხეილ სააკაშვილი პოლიტიკური პატიმარია.

ამასთან, ყოფილი პირველი ლედი პირად ცხოვრებასთან დაკავშირებულ საკითხზეც ამახვილებს ყურადღებას და განმარტავს, რომ მისი ყოფილი მეუღლის მიერ რამდენიმე დღის წინ გავრცელებული ვიდეოს შინაარსი მისთვის მოულოდნელი იყო, ფორმა კი მიუღებელი.

“მიხეილ სააკაშვილი პოლიტიკური პატიმარია და როგორც საქართველოს მოქალაქე სრულიად ვუერთდები მისი გათავისუფლების მოთხოვნას.

ბევრი დაბნეული მეგობარი და თანამებრძოლი მეკითხება პირადი ცხოვრების თაობაზე. არ დაგიმალავთ, რომ პარასკევს საღამოს დადებული ვიდეოს შინაარსი ჩემთვის მოულოდნელი იყო, ფორმა კი სრულიად მიუღებელი.

პირადი ემოციების მიუხედავად ვინარჩუნებ სიმშვიდეს და რწმენას, რომ ამ ბრძოლიდან გამარჯვებულები გამოვალთ.
#თავისუფლებამიშას,” – წერს რულოვსი სოციალურ ქსელში.

გააზიარეთ და მოიწონეთ სტატია:
Pin Share