პომპეოსთან ოპოზიციის ადგილი არ არის, იმიტომ რომ ისინი რუსულ საქმეს აკეთებენ- კობახიძე

„ის ფაქტი, რომ სახელმწიფო მდივანი არ შეხვდა იმ ოპოზიციას, რომელიც რუსული საქმით არის დაკავებული, არის ძალიან მნიშვნელოვანი“, – ამის შესახებ „ქართული ოცნების“ აღმასრულებელმა მდივანმა, ირაკლი კობახიძემ განაცხადა.

კობახიძის თქმით, „ამერიკის შეერთებული შტატების სახელმწიფო მდივანთან არ არის იმ პოლიტიკური პარტიების ადგილი, რომლებიც რუსულ საქმეს აკეთებენ“.

„ბუნებრივია, ჩვენ ამაზე სპეკულაციებს ვერ ავაგებთ, მაგრამ თავისთავად ეს ფაქტი ჩვენთვის არის ძალიან მნიშვნელოვანი და ნიშანდობლივი. საქართველოში არ არის იმ პოლიტიკური პარტიების ადგილი, რომლებიც რუსულ საქმებს აკეთებენ. ასეთ პარტიების ადგილი არ არის ამერიკის შეერთებული შტატების სახელმწიფო მდივანთან. რა თქმა უნდა, ყველას ერთ ქვაბში არ ვხარშავ, მაგრამ როდესაც საუბარია მთავარ ოპოზიციურ პარტიებზე, ისინი რუსულ საქმეს აკეთებდნენ დიდი ხნის განმავლობაში, ჯერ როცა იყვნენ ხელისუფლებაში და ახლა, როცა არიან უკვე ოპოზიციაში. აქედან გამომდინარე, ის, რომ ამერიკის შეერთებული შტატების სახელმწიფო მდივანს ეს პარტიები ხვდებიან პროტესტით, ეს არის ძალიან ნიშანდობლივი, მნიშვნელოვანი და საინტერესო მოვლენა. ეს კიდევ ერთხელ ადასტურებს იმას, რომ ეს პარტიები არიან და მომავალშიც იქნებიან რუსული საქმით დაკავებული“, – განაცხადა კობახიძემ.

ცნობისთვის, მაიკ პომპეომ საქართველო უკვე დატოვა. ის თბილისს გუშინ ეწვია და ვიზიტის ფარგლებში ოფიციალურ შეხვედრები დღეს გამართა. აღსანიშნავია, რომ აშშ-ის სახელმწიფო ვიზიტის პარალელურად, ოპოზიციის წარმომადგენლებმა მდუმარე აქცია გამართეს. აშშ-ის სახელმწიფო მდივანი, მაიკ პომპეო საქართველოს შემდეგ ისრაელს ეწვევა.

გააზიარეთ და მოიწონეთ სტატია:

მსგავსი სტატიები:

მაიკ პომპეო გიორგი გახარიას და დავით ზალკალიანს ხვდება კობახიძე საერთაშორისო დამკვირვებლებზე: როცა ქმარი ცოლს სცემს, მეზობელს ხომ არ ვეყრდნობით? “თბილისშიც გავმართავთ აქციებს”- სურელები ხეობაში ჰესის მშენებლობას აპროტესტებენ “სანამ მელიას არ გამოუშვებენ, ოპოზიცია „ოცნების“ ხელისუფლებასთან მოლაპარაკებებზე არ უნდა დაჯდეს “ სერგო ჩიხლაძე-საქართველოს მართავს “ესკობარის ოჯახი” თალაკვაძე პარლამენტის თავმჯდომარის მოადგილედ აირჩიეს ქვეყანაში შექმნილი უმძიმესი ვითარების ფონზე, საქართველოში შარლ მიშელი კიდევ ერთხელ ჩამოდის “თქვე კლოუნ-პასტანოვშიკებო, სამხილები იგუგლება” – მშვილდაძე