ბათუმში ბინის ჩამონგრევას შეწირული დედა და ორი მცირეწლოვანი

გუშინ ბათუმში, 26 მაისის ქუჩაზე მომხდარ უბედურ შემთხვევას, რამდენიმე ადამიანის სიცოცხლე ემსხვერპლა. მათ შორის, ახალგაზრდა ქალის და მისი ორი მცირეწლოვანის.

ინგა მეკეიძე, რომელიც ოზურგეთის მუნიციპალიტეტის დაბა ნასაკირალიდან იყო, ნანგრევებიდან გუშინ, 9 საათიანი სამძებრო სამუშაოების შემდეგ ამოიყვანეს და უმძიმესი დაზიანებებით კლინიკაში გადაიყვანეს, თუმცა მისი გადარჩენა ვერ მოხერხდა, სიცოცხლესთან შეუთავსებელი ტრამვების გამო.

გარდაცვლილები ამოიყვანეს მაშველებმა მისი ორი მცირეწლოვანი, 9 წლის გოგონა და ერთი წლის და ოთხი თვის ბიჭი.

მათთან ერთად დაიღუპა ინგა მეკეიძის ქმრის ძმა, რომელიც ცოტა ხნის წინ დაბრუნდა ემიგრაციიდან.

გააზიარეთ და მოიწონეთ სტატია: