მინდა ჩემს მეგობარს, საქართველოს მესამე პრეზიდენტს, ვუთხრა, რომ მისი მაგალითი და თავგანწირვა დაილექება და დარჩება ისტორიას – დეკანოიძე

მინდა ჩემს მეგობარს, საქართველოს მესამე პრეზიდენტს, პირველ რიგში ვუთხრა, რომ მისი თავგანწირვა, მისი მაგალითი მისი სამშობლოს სიყვარული, რა თქმა უნდა, დარჩება, დაილექება მთელი ისტორიის განმავლობაში – აცხადებს ქუთაისში ოპოზიციის მერობის საერთო კანდიდატი და “ერთიანი ნაციონალური მოძრაობის” წევრი, ხატია დეკანოიძე თავისუფლების მოედანზე გამართულ აქციაზე სიტყვით გამოსვლისას.

“მე მინდა აქედან ჩემს მეგობარს, საქართველოს მესამე პრეზიდენტს, პირველ რიგში ვუთხრა, რომ მისი თავგანწირვა, მისი მაგალითი მისი სამშობლოს სიყვარული, რა თქმა უნდა, დარჩება, დაილექება მთელი ისტორიის განმავლობაში. ეს ისტორიის ნათელი მხარეა და დღეს, ვინც ამ ისტორიის ნათელ მხარეს დადგება, აუცილებლად მასთან ერთად შევა ისტორიაში. მიხეილ სააკაშვილის თავგანწირვაზე როცა საუბრობენ, ბევრი ამბობს, რატომ, რისთვის, რისი მოლოდინი ჰქონდა, მაგრამ ყველაზე ძალიან ჩვენ ვიცით, ყველამ, მათ შორის ჩვენმა ოპონენტებმაც, რომ ეს იყო სამშობლოს სიყვარული”,-თქვა ხატია დეკანოიძემ.

გააზიარეთ და მოიწონეთ სტატია: