“მეხუთე ტალღა დაწყებულია” – ამირან გამყრელიძის თქმით ეპიდსიტუაცია უარესდება

,,ქვეყანაში ე.წ. მეხუთე ტალღა დაწყებულია. რაც მთავარია, ის დაიწყო უფრო მაღალი ნიშნულიდან, ვიდრე მოსალოდნელი იყო” – ეს განცხადება დაავადებათა კონტროლის ეროვნული ცენტრის ხელმძღვანელმა, ამირან გამყრელიძემ, სამაუწყებლო კომპანია  ,,რუსთავი 2″-ის ეთერში გააკეთა.

გამყრელიძე ადასტურებს, რომ ქვეყანაში მძიმე ეპიდვითარებაა.

,,სამწუხაროდ, საკმაოდ რთული ეპიდსიტუაცია ყალიბდება. მოგეხსენებათ, ბოლო დღეების განმავლობაში ყოველდღიური შემთხვევების რაოდენობა აჭარბებს 4 000-ს. გაზრდილია ინციდენტობის, დადებითობის მაჩვენებელი, ასევე ძალიან საყურადღებოა, რომ პერიოდულად არის მომატებული რეპროდუქციის ინდექსი, რაც მიანიშნებს იმას, რომ ინფექცია სწრაფად და ადვილად ვრცელდება. სამწუხაროდ, ქვეყანაში ეპიდსიტუაცია უარესდება“, – განაცხადა გამყრელიძემ.

გააზიარეთ და მოიწონეთ სტატია: