ჯინაზე აკეთებენ რომ სააკაშვილს წინასაარჩევნოდ ბრალი წაუყენონ-თაკო ჩარკვიანი მელაშვილს მხარს უჭერს

სადემარკაციო კომისიის თავმჯდომარეს ივერი მელაშვილს თაკო ჩარკვიანი მხარდაჭერას უცხადებს და ის მელაშვილის დაკავებას პოლიტიკურ თაღლითობას უწოდებს. ამის შესახებ ჩარკვიანი სოციალურ ქსელში წერს:

„ეს რა მოიგონეთ?! ეს ბოროტი-სისულელე!!!!!! რა მიწა -ტერიტორია “გადასცა და აჩუქა” და როგორ ჰქნა, რანაირად ამ პატიოსანმა ადამიანმა ???

მთელი ქვეყნის გადაბარება მიმდინარეობს რაც მოსულია ეს ხელისუფლება, სოფელს სოფელზე ვკარგავთ შუა ქართლში მტკაველ -მტკაველ. არანაირი მუშაობა არ მიმდინარეობს დასავლეთის კუთხით, ჰაერზე საუბრობთ მხოლოდ , არანაირი სამოკავშირეო მუშაობა დოკუმენტებით არ არსებობს, ნატოზე საერთოდ აღარ საუბრობს ეს პუტინის ხელისუფლება და ახლა უნდათ, რომ ამ პატიოსან კაცს საარჩევნოდ გადაატეხონ სააკაშვილის ჯინაზე, რომ სააკაშვილს ახალი ბრალი წაუყენონ! რა საბრალონი ხართ! რას მოიფიქრებენ ხოლმე ეს “ პოლიტ თაღლითები”- ფუ!!! მიდით მიდით , როგორც დაასრულებთ ვნახავთ!!!!!” – წერს თაკო ჩარკვიანი.

შეგახსენებთ, მთავარმა პროკურატურამ საქართველო-აზერბაიჯანის დელიმიტაცია-დემარკაციის კომისიის ყოფილი თავმჯდომარე ივერი მელაშვილი და კომისიის წევრი ნატალია ილიჩოვა დააკავა.

„დაკავებულია საქართველოს საგარეო საქმეთა სამინისტროს მეზობელი ქვეყნების დეპარტამენტის სასაზღვრო ურთიერთობათა სამსახურის უფროსი – ი.მ და საქართველოს შს სამინისტროს სასაზღვრო პოლიციის სახმელეთო საზღვრის დაცვის დეპარტამენტის მთავარი ინსპექტორი ნ.ი.

როგორც საზოგადოებისათვის ცნობილია, მიმდინარე წლის 17 აგვისტოს საქართველოს გენერალურ პროკურატურაში გამოძიება დაიწყო სისხლის სამართლის საქმეზე, უცხო ქვეყნისათვის საქართველოს ტერიტორიის ნაწილის გადაცემისაკენ მიმართული მოქმედების განხორციელების ფაქტზე, საქართველოს სისხლის სამართლის კოდექსის 308-ე მუხლის პირველი ნაწილით გათვალისწინებული დანაშაულის ნიშნებით“, – განაცხადეს პროკურატურაში.