“მიყვარხარ საქართველო!…შეიძლება ფიზიკურად ვსუსტდებოდე, მაგრამ მორალურად ყოველდღე ვძლიერდები” -მიხეილ სააკაშვილის წერილი

საქართველოს მესამე პრეზიდენტი მიხეილ სააკაშვილი მხარდამჭერებს რუსთავის მე-12 სასჯელაღსრულების დაწესებულებიდან მიმართავს და მადლობას უხდის.

წერილში, რომელიც მესამე პრეზიდენტის Facebook-გვერდზე ვრცელდება, მიხეილ სააკაშვილი წერს, რომ მიუხედავად იმისა, რომ ის ყოველდღიურად ფიზიკურად სუსტდება, მორალურად ძლიერდება.

“დიდი მადლობა იმ ადამიანებს, რომლებიც დღეს გავლით იყვნენ ციხესთან და ბედმა გამიღიმა, შევძელი მათთვის დამეყვირა – “მიყვარხართ” და იმედია, ამ სიტყვამ თქვენს ყურამდე მოაღწია. დიახ, მიყვარხართ ყველა თავისუფლებისმოყვარე ქართველი და მიყვარხარ საქართველო! შეიძლება ყოველდღე ფიზიკურად ვსუსტდებოდე, მაგრამ მორალურად ნამდვილად ასევე ყოველდღე ვძლიერდები”, – წერს მიხეილ სააკაშვილი.

დღეს, 21 ოქტომბერს მიხეილ სააკაშვილის მხარდამჭერები რუსთავის ციხესთნ შეიკრიბნენ და მისი გათავისუფლების მოთხოვნით აქცია გამართეს. მესამე პრეზიდენტი მხარდამჭერებს ციხის საკნის ფანჯრიდან მიესალმა.

გააზიარეთ და მოიწონეთ სტატია: