ბესელია: სააკაშვილმა შიმშილობის აქტით წამზომი ჩაურთო საკუთარ თავსაც და ხელისუფლებასაც

”მმართველი პარტია იმ დათქმით მოქმედებს, რომ როგორმე [არჩევნები და შემდგომი პერიოდი] გადააგოროს. და მიხეილ სააკაშვილმაც ხომ სწორედ ეს გათვალა, რომ ამ გადაგორების შესაძლებლობას არ აძლევს – თავისი შიმშილობის აქტით ჩაურთო წამზომი საკუთარ თავსაც და ხელისუფლებასაც. ეს ნიშნავს, რომ დრო ძალიან ლიმიტირებულია. ამ დროში ის საზოგადოებას და ამომრჩეველსაც ეუბნება – თუ რამე შეგიძლია, შეცვალე. აგერ გაქვს კონკრეტული პოლიტიკური კალენდარი – შაბათს უნდა მიხვიდე და არჩევანი გააკეთო.

თუ ამას ვერ აკეთებ – ის ამაზე გააზრებულად მიდის და შეიძლება ძალიან მძიმედაც დასრულდეს. დავარქმევ ამას თავის სახელს – ეს არის ღია რევოლუციური სცენარი.

ეს საზოგადოების, ჩვენი ყველას გამოწვევაა. შაბათს არჩევნებზე გაქვს ღირსება და უნარი, რაღაც შეცვალო და შენი ღირსებისთვის ნაბიჯი გადადგა თუ იარო გიჟური გზით. ”- თქვა ქართული ოცნების ყოფილმა წევრმა, ეკა ბესელიამ ფორმულას ეთერში მიხეილ სააკაშვილის შესახებ.

ექსპრეზიდენტი უკვე 26 დღეა, დაპატიმრებულია და შიმშილობს.

გააზიარეთ და მოიწონეთ სტატია: