ქართული ოცნების თავმჯდომარემ, ბიძინა ივანიშვილმა იმედი გამოთქვა, რომ ოპოზიცია პარლამენტში შევა.
ჟურნალისტებთან კომენტარი მან მას შემდეგ გააკეთა, რაც მთაწმინდის საარჩევნო უბანზე ხმა მისცა.
“შეგახსენებთ, რომ დემოკრატიულმა საზოგადოებამ ხაზგასმით აღნიშნა, რომ არჩევნები კონკურენტულ და თავისუფალ გარემოში ჩატარდა. შედეგად მივიღეთ 9 პარტიის წარმომადგენლობა პარლამენტში. ამასთან იცით, რომ ზოგიერთი პოლიტიკური პარტია ზედმეტად ემოციურად, გადაჭარბებულად ამბიციურად პოზიციებს აფიქსირებს, მაგრამ მე ვფიქრობ, რომ საღი აზრი აჯობებს და ჩვენ მივიღებთ ჭეშმარიტად მრავალპარტიულ არჩევნებს”, – თქვა ივანიშვილმა.
კითხვაზე, შევა თუ არა ოპოზიცია პარლამენტში, მისი აზრით, ივანიშვილმა უპასუხა:
“მე დარწმუნებული ვარ, ყველაფერი კარგად იქნება”.
დღეს, 21 ნოემბერს 17 მაჟორიტარულ ოლქში არჩევნების II ტური იმართება.
თუმცა, ოპოზიცია პირველი ტურის შედეგებს გაყალბებულად მიიჩნევს და ცესკოს მიერ გამოცხადებულ შედეგებს არ აღიარებს. შესაბამისად, ბოიკოტს უცხადებს არჩევნების II ტურსაც. და პარლამენტში შესვლაზე უარს აცხადებს.
კანონმდებლობის შესაბამისად, ოპოზიციური პარტიების კანდიდატები ბიულეტენზე წარმოდგენილები არიან. თუმცა, პარტიების ლიდერებმა მხარდამჭერებს მოუწოდეს, არ მიიღონ მონაწილეობა არჩევნებში.
ისინი ახალი საარჩევნო ადმინისტრაციის პირობებში არჩევნების ხელახლა ჩატარებას ითხოვენ, ასევე, ითხოვენ პოლიტიკური ნიშნით დაკავებული ადამიანების გათავისუფლებას.
აშშ-ის ელჩის რეზიდენციაში ხელისუფლებასა და ოპოზიციას ორის მოლაპარაკებებიც იმართება, თუმცა, ჯერჯერობით, ვითარება უცვლელია – ხელისუფლება ოპოზიციას სთხოვს, პარლამენტში შევიდეს და მოთხოვნების შესრულებაზე უარს ამბობს.
მსგავსი სტატიები:
საქართველოში კორონავირუსით 14 პაციენტი გარდაიცვალა
“აბსოლუტური უაზრობაა, რომ რესტორნები შაბათ-კვირას არ მუშაობს”
რას წერდა გაზეთი “ლენინის დროშა” ოზურგეთის თეატრზე
“ნიკა მელიას საქციელი სამოქალაქო გმირობაა”
რას წერდა გაზეთი დროება (1872) გურულების სიფიცხეზე
საპენსიო სააგენტო დაგროვებითი და სოციალური პენსიას შორის მსგავსებისა და განსხვავების შესახებ ინფორმაციას ავრცელებს
“ფიქრმა წერა დამაძალა თელავზე, კახეთზე”
ნინოწმინდის პანსიონთან დაკავშირებით, საპატრიარქოში შეხვედრა მიმდინარეობს