მოქალაქეების აზრით, საქართველოში უკიდურესად პოლარიზებული პოლიტიკური ფონის განმუხტვა, საქართველოს პრეზიდენტ სალომე ზურაბიშვილს და ქვეყნის მეოთხე პრეზიდენტ გიორგი მარგველაშვილს შეუძლია.
აქედან გამომდინარე მოქალაქეები ყოფილ და მოქმედ პრეზიდენტებს მანიფესტით მიმართავენ.
,,ადგილობრივი არჩევნების მეორე ტურზე ქართველი ამომრჩეველი უკიდურესი პოლარიზაციის პირობებში მიდის. საზოგადოება გახლეჩილია და რთულია შერიგებისათვის საჭირო საერთო წერტილების მოძიება. ვითარებას აუარესებს პატიმრობაში მყოფი საქართველოს მესამე პრეზიდენტის, მიხეილ სააკაშვილის შიმშილობა, რაც თითქმის ერთი თვეა გრძელდება. მისი ჯანმრთელობის მდგომარეობა დღითიდღე უარესდება და ცხადია, რომ ფატალური შედეგის დადგომის შემთხვევაში, ქვეყანა შესაძლოა დესტაბილიზაციისა და სამოქალაქო დაპირისპირების წინაშე დადგეს. შექმნილი ვითარებიდან გამოსავალი ჩვენ, საზოგადოებამ ერთად უნდა ვეძიოთ.
შექმნილ ვითარებაში, სასიცოცხლოდ მნიშვნელოვანია საზოგადოების კონსოლიდაციისკენ, ურთიერთ-მტრობის და პოლარიზაციის შემცირებისკენ ქმედითი ნაბიჯების გადადგმა. მნიშვნელოვანია ამ პროცესში ყველა იმ ადამიანის ჩართვაც, რომელთაც ინსტიტუციურად ნეიტრალური და ობიექტური როლის შესრულება შეუძლია. ამ მიზნების მიღწევისთვის, უდიდესი როლის შესრულება შეუძლია ქვეყნის პრეზიდენტს. პრეზიდენტის ინსტიტუტი არ ექვემდებარე პარტიულ ინტერესებს და მისი პირდაპირი კონსტიტუციური მოვალეობაა ქვეყნის ერთიანობასა და ეროვნულ დამოუკიდებლობაზე ზრუნვა. ვფიქრობთ, რომ ქვეყნის მოქმედმა პრეზიდენტმა, მის წინამორბედთან (მეოთხე პრეზიდენტთან) ერთად, უნდა დაიწყოს აქტიური დიალოგი და ქმედითი ნაბიჯების გადადგმა საზოგადოების კონსოლიდაციის გზებზე, რა დროსაც დისკუსიის ერთ-ერთი ცენტრალური საკითხი მესამე პრეზიდენტის პენიტენციურ დაწესებულებაში ყოფნა და შიმშილობა უნდა იყოს. მათ ასევე აქვთ შესაძლებლობა ამ პროცესში საზოგადოება ჩართონ და ქვეყნისთვის მნიშვნელოვანი ინიციატივებით გამოვიდნენ”, – ნათქვამია მანიფესტში.
მსგავსი სტატიები:
“ევროპული საქართველო” სტრუქტურულ ცვლილებებს გეგმავს
“არ დავიწყებ მტყუან-მართლის გარჩევას”
“თუ “ქართული ოცნება” მელიას დააკავებს, ამან შეიძლება რევოლუცია გამოიწვიოს”
“მოკლედ, რასაც ვუყურებ, ქოცებმა ჩაისვარეს”
“ნაციონალურ მოძრაობას პარლამენტში შესვლა უნდა, მაგრამ “რცხვენია”
მე ჩემი მაქვს სათქმელი – გუბაზ სანიკიძე რუსთავის ციხეში სააკაშვილთან შესახვედრად მივიდა
საგანგებო ვითარება გორის გდდ-ის ბაზაზე – ადგილზე სპეცრაზმი გამოიძახეს
“მეგრელისთვის მთავარი არის ოჯახი და ის სხვისი ოჯახის შეურაცხყოფასაც არავის პატიობს” – ანზორ მელია