“მსგავსი სიმძიმის პაციენტი დაუყოვნებლივ უნდა იქნას გადაყვანილი მრავალპროფილურ სტაციონარში…რომელიც შემოსაზღვრულია რკინის ღობით და დაცულია პაციენტის უსაფრთხოება”-კლინიკების ასოციაცია

საქართველოს კლინიკების ასოციაცია მიხეილ სააკაშვილის ჰოსპიტალიზაცისთან დაკავშირებით კიდევ ერთ განცხადებას ავრცელებს და მის ციხის საავადმყოფოში გადაყვანას კატეგორიულად ეწინააღმდეგება.

მიზეზად ასოციაცია იმას ასახელებს, რომ ციხის საავადმყოფო არც A არც B და მით უმეტეს, არც C ტიპის სტაციონარულ კლინიკას არ განეკუთვნება.

“გავრცელებული ინფორმაციის საფუძველზე და ჯანდაცვის სამინისტროს პასპრტიზაციის კრიტერიუმების თანახმად, შეიძლება ითქვას, რომ ,,ციხის საავადმყოფო,, არ მიეკუთვნება არც ,,A,, არც ,,B,, და მითუმეტეს არც ,,C,, ტიპის სტაციონარულ კლინიკას, იგი განეკუთვნება სპეციალური დანიშნულების ,,გადაუდებელი ამბულატორიის,, კატეგორიას, სადაც სრულფასოვანი სტაციონარული დახმარება შეუძლებელია!, ასეთი ტიპის, ამბულატორიულ პირობებში შესაძლებელია პირველადი სამედიცინო დახმარების გაწევა და პაციენტის მცირე დროით დაყოვნება;

ზემოაღნიშნულიდან გამომდინარე საქართველოს კლინიკების ასოციაცია კატეგორიული წინააღმდეგია შიმშილობის გვიან პერიოდში მყოფი საქართველოს მესამე პრეზიდენტი გადაყვანილი იქნას ,,გადაუდებელი ამბულატორიის,, პირობებში, რადგან მსგავს პირობებში ვერ განხორციელდება სრულფასოვანი სამედიცინო ინტერვენცია, რის გამოც შესაძლებელია დადგეს ფატალური შედეგი, ამიტომ მსგავსი სიმძიმის პაციენტი დაუყოვნებლივ უნდა იქნას გადაყვანილი შერეული ტიპის მრავალპროფილურ სტაციონარში (ტიპი – ,,C,,).
დამატებით გაცნობებთ, რომ ქ.თბილიში მსგავსი ტიპის სტაციონარებს მიეკუთვნებიან: ქირურგიის ეროვნული ცენტრი; ნიუ-ჰოსპიტალი; თოდუას სამედიცინო ცენტრი; ინგოროყვას საუნივერსიტეტო კლინიკა; ღუდუშაურის სამედიცინო ცენტრი; ვივამედი;

ამავედროს გაცნობებთ, რომ უმეტესი ამ კლინიკებისა დაცულია და შემოსაზღვრულია რკინის ღობით, გამომდინარე აქიდან მსგავსი კლინიკების ბაზაზე მაქსიმალურად იქნება უზრუნველყოფილი პაციენტის ჯანმრთელობა და უსაფრთხოება”, – წერია განცხადებაში. 

გააზიარეთ და მოიწონეთ სტატია:

მსგავსი სტატიები:

ჰელსინკის კომისია: “ჩვენ მოვუწოდებთ საქართველოს მთავრობას, გაათავისუფლოს ნიკა მელია” ივანიშვილის მარიონეტებმა ყველა ზღვარი გადალახეს-პავილიონისი „2 დღე არ ჭამდა, ეს იყო სტრესის გამოვლინება“ “თუ ულტიმატუმით მოდიხარ, არანაირი შეთანხმება არ მოხდება”- ვოლსკი “ნაციონალურ მოძრაობას პარლამენტში შესვლა უნდა, მაგრამ “რცხვენია” მე ჩემი მაქვს სათქმელი – გუბაზ სანიკიძე რუსთავის ციხეში სააკაშვილთან შესახვედრად მივიდა საგანგებო ვითარება გორის გდდ-ის ბაზაზე – ადგილზე სპეცრაზმი გამოიძახეს “მეგრელისთვის მთავარი არის ოჯახი და ის სხვისი ოჯახის შეურაცხყოფასაც არავის პატიობს” – ანზორ მელია