დავით ბერძენიშვილი: მიხეილ სააკაშვილს ვთხოვ, შეწყვიტოს შიმშილობა – პარლამენტის დატოვების მოწოდება არის შეცდომა

“მიხეილ სააკაშვილს ვთხოვ, შეწყვიტოს შიმშილობა.
შექმნილ ვითარებაში, რომლის პროგნოზირებაც სულაც არ იყო რთული, ახლა არც მისთვის, არც მისი პარტიისთვის, არც ქვეყნისთვის ილუზიების ტყვეობაში ყოფნა არაა უხიფათო”, – ამის შესახებ რესპუბლიკური პარტიის ერთერთი ლიდერი დავით ბერძენიშვილი სოციალურ ქსელში წერს, რითაც ეხმაურება მიხეილ სააკაშვილის დღევანდელ განცხადებას.

“პარლამენტის დატოვების მოწოდება არის შეცდომა. საკონსტიტუციო ცვლილებებისთვის ბრძოლა ბოლომდეა მისაყვანი.
არავითარი რესურსი მოძალადე, გამყალბებელი ხელისუფლების ქუჩიდან გასტუმრების არ არის.
2003 წ. 22 ნოემბრის მოლოდინი არის ყალბი ილუზია.
ფსევდორევოლუციური რიტორიკა და ქმედება მოიტანს არა გამარჯვებას, არამედ პროტესტის ქუჩაში გალევას და იმედგაცრუებას.
როგორც ჩანს, წყალგამყოფი ოპოზიციაში ახლა ნამდვილად ესაა – კიდევ უფრო გავზარდოთ უპირატესობა და აღარ ეყოს ხელისუფლებას გაყალბების რესურსი( როგორც მოხდა 2003 და 2012 წწ) – ესაა ჩვენი გზა. და ეს გზა არ გადის ამჟამად, ამ წლის ბოლომდე ხელისუფლების დამთავრების მორიგ ილუზიაზე.
პარლამენტის დატოვება, მხოლოდ ქუჩის იმედად ყოფნა არის მიშას შემოთავაზებული გზა – ჯერ შევცვალოთ ხელისუფლება და მერე ეს გავიფორმოთ არჩევნებით.
პოსტსაბჭოთა საქართველოში რამდენიმე პროცენტს ყველა ხელისუფლება იპარავს( 2008- შიც მოიპარა).
ორნიშნა უპირატესობას კი ემორჩილება( 2003 და 2012…არც ერთის ანალოგიური ვითარება არ გვაქვს დღეს, ისევე, როგორც არ გვქონდა არც 2018 და 2020 წწ., როცა ქუჩაში პროტესტი გაილია… 2008 და 2009 წწ. კიდევ უფრო დიდი პროტესტი გაილია ქუჩაში).
ყველამ უნდა მოძებნოს საკუთარი ორიენტირი ოპოზიციაში. ლელოს ლიდერიც თვითგამოერკვევა, იმედია.
ასეთია დღევანდელი რეალობა” – წერს დავით ბერძენიშვილი.

ipress.ge

გააზიარეთ და მოიწონეთ სტატია:

მსგავსი სტატიები:

ქებათა ქება ოლიგარქს-“ოცნების” წევრთა გამორჩეული შეფასებები “მთავრობამ დედაბუდიანად პატიმრობა მოგვისაჯა”- ფსიქოლოგი არის შეზღუდვები, რომელთა შემსუბუქებაც შესაძლებელია- ინფექციონისტი ფლანგვის დეტექტორი-ოზურგეთის მერმა ბოლო სამ წელიწადში 143 000 ლარის უძრავი ქონება შეიძინა “დაიმთავრა თავი, როგორც პოლიტიკოსმა, წარმავალია ამქვეყნიური დიდება”-პაპუაშვილი პარლამენტის თავმჯდომარის ადგილის, ტრიბუნის ბლოკირება, ბუნებრივად აღიქმება ძალადობრივ აქტად – წილოსანი “რუსეთზე გადაბარებას ამზადებს ოლიგარქი!!!!!!!!! ქვეყანას არ დაგითმობთ ! დაელოდეთ “ხელისუფლებავ” და გამიხსენებთ!” “ეს არსება, ნათია მეზვრიშვილი იყო ერთ-ერთი მთავარი შემოქმედი თავიდან ბოლომდე შეთითხნილი სისხლის სამართლის საქმისა…არ ვაპირებ ამ უტიფარი ქალბატონისგან მორალის კითხვის მოსმენას!”