თავდაცვის სამინისტროში აცხადებენ, რომ გიორგობის დღესასწაულზე სამხედროებს მინიატურული ახალი აღთქმა გადაეცათ. ინფორმაცია უწყებამ პრესრელიზით გაავრცელა, სადაც წერს, რომ “წმინდა წიგნების დარიგება” სამინისტროს ინიციატივა იყო.
“მინიატურული ახალი აღთქმა საველე პირობებზეა მორგებული, კომპაქტური და დრეკადია. მისი ყდა კომუფლირებულია, ფურცლები კი, მყარი, თხელი და გასანთლულია, რომ არ დასველდეს. 603-გვერდიან წმინდა წიგნს ქართული ჯარის შესახებ საქართველოს პატრიარქის სიტყვა უძღვის. ახალი აღთქმის, 4 სახარების, ეპისტოლეებისა და ფსალმუნების გარდა, წმინდა წიგნი მოიცავს სამხედრო ფიცს, საქართველოს სახელწმიფო ჰიმნს, საუფლო ლოცვას — 10 მცნება, მრწამსს, 9 ნეტარებას, ასევე ქართველი მეფეების – ვახტანგ გორგასლისა და დავით აღმაშენებლის მიმართვებს ქართული ლაშქარისადმი”, — წერია პრესრელიზში.
უწყებაში ამბობენ, რომ გიორგობის ღვთისმსახურების ჩატარების შემდეგ, სენაკში, II ქვეით ბრიგადაში მდებარე ტაძრის წინამძღვარმა მინიატურული ახალი აღთქმა დასავლეთის სარდალს და ქვედანაყოფის პირად შემადგენლობას დაურიგა და მისი ტარების ტრადიციისა და მნიშვნელობის შესახებ ესაუბრა.
მსგავსი სტატიები:
გურიასა და აჭარაში გაზის მიწოდება დღეს მხოლოდ სტრატეგიულ ობიექტებზე აღდგება, ხვალ მოსახლეობისთვისაც
“ეს მთავრობა ქვეყანას ნგრევისა და გაკოტრებისაკენ მიაქანებს”- ფადი ასლი
რუსეთი შავ ზღვაში ნატოს სამხედრო ძალების გაფართოებით შეშფოთებულია
როგორ ამოვიცნოთ ჭეშმარიტი ქოცი?-ზურაბიშვილი
“გაათრიეთ… სიამოვნებით მივართმევდი ერთ ალიყურს”-ქეთი დოლიძე კრამერზე ბრაზობს
“ანტივაქსერები კი არ არიან, საუკეთესო უნდათ თავისთვის”
გადაცემა “სხვა ნანუკამ” 10 წლის ლაშა ხუციშვილისთვის 100 ათასი ლარი შეაგროვა
ირმა სოხაძე-არ მინდა მე ასეთი არც ოპოზიცია და არც ხელისუფლება