ბიძინა გობრონიძე – “თქვენ ბოღმიანო უწიგნურებო…გაჩვენებთ მე როგორ უნდა დამიშინოთ მიკროავტობუსის მძღოლები”

“ხომ მიბიძგეთ პოლიტიკისკენ…თქვენ ბოღმიანო უწიგნურებო…გაჩვენებთ მე როგორ უნდა დამიშინოთ მიკროავტობუსის მძღოლები…კურდღლებიც კი არა ხართ…ხალხი შეგაფასებთ ძალიან მალე..”

ამ განცხადებას სოციალურ ქსელ ფეისბუკის საკუთარ გვერდზე ” ჩვენი საქართველო სოლიდარობის” ალიანსიდან გურიაში მაჟორიტარი დეპუტატობის კანდიდატის, ნინი შეწირული გობრონიძის მეუღლე ბიძინა გობრონიძე ავრცელებს.

გობრონიძე, რომელმაც 2012 წელს პროტესტის ნიშნად საქართველო დატოვა და თავი დიდ ბრიტანეთს შეაფარა სამშობლოში მომდევნო 2013 წელს დაბრუნდა.

ის დღეისათვის გურიის გარემოს დაცვის ზედამხედველობის სამსახურის (“გედეი”) თანამშრომელია, თუმცა ამჟამად შვებულებაშია და აქტიურად არის ჩართული მისი მეუღლის წინასაარჩევნო კამპანიაში.

გობრონიძე არ აკონკრეტებს, მაგრამ დიდი ალბათობით მისი კრიტიკის ობიექტი “ქართული ოცნება” და ადგილობრივი ხელისუფლებაა.

ამაზე მიუთითებს ამ განცხადების ქვემოთ ქალბატონ ლელა ნაცვალაძის კომენტარი:

“როცა ვამბობ, ნაციონალებს წააჯობნეს თავიანთი ქცევებით მეთქი,მართალი ვარ,მაგათი საქციელი ამტკიცებს,რომ ცუდად ააქვთ საქმე,შიშმა დაისადგურა ქართულ ოცნებაში,დამარცხების შიშმა! 31 ოქტომბერს გამოუტანს ხალხი განაჩენს!” წერს კომენტარში ნინი შეწირული – გობრონიძის საარჩევნო შტაბის უფროსი ოზურგეთში ლელა ნაცვალაძე.

სურათზე ბიძინა გობრონიძე მარჯვნიდან პირველი:

გააზიარეთ და მოიწონეთ სტატია: