სახალხო დამცველის ნინო ლომჯარიას თქმით, მას შემდეგ, რაც ინფორმაცია გავრცელდა, რომ მიხეილ სააკაშვილი მე-12 სასჯელაღსრულების დაწესებულებიდან გადაიყვანეს, ის გლდანის ციხის ადმინისტრაციას დაუკავშირდა, თუმცა მათ არ დაუდასტურეს, რომ მესამე პრეზიდენტი იქ იმყოფებოდა.
ლომჯარია ამბობს, რომ სავარაუდოდ მიხეილ სააკაშვილის ჯანმრთელობის მდგომარეობა დამძიმდა და სწორედ ამიტომ გადაიყვანეს ის საავადმყოფოში.
ლომჯარია განმარტავს, რომ ამასთან დაკავშირებით მას დაზუსტებული ინფორმაცია არ აქვს, თუმცა მისი წარმომადგენლები უკვე გლდანის მე-18 სასჯელაღსრულების დაწესებულებასთან იმყოფებიან.
“მას შემდეგ, რაც ინფორმაცია გავრცელდა, რომ სავარაუდოდ, ის გაიყვანეს მე-12 დაწესებულებიდან ვცდილობდი დაკავშირებას ყველა შესაბამის უწყებასთან. დაახლოებით 1 საათის წინ, გლდანის ადმინისტრაციამ არ დაგვიდასტურა, რომ იქ იყო მიყვანილი პატიმარი, თუმცა ამ წუთს მდგომარეობით გვაქვს ასეთი ინფორმაცია, რომ შესაძლოა იყოს იქ….
ჩემი ვარაუდით, მისი მდგომარეობა დამძიმდა, მესამე დღე იყო უკვე, რაც მან უარი განაცხადა იმ ვიტამინების, მედიკამენტების და საკვები დანამატების მიღებაზე, რასაც იღებდა ის ბოლო ერთი კვირის განმავლობაში, სავარაუდოა, რომ მისი მდგომარეობა დამძიმდა და შესაძლებელია გახდა საჭირო მისი ჰოსპიტალიზაცია”,- თქვა ნინო ლომჯარიამ “მთავარი არხის” ეთერში საუბრისას.
ცნობისთვის, ცოტა ხნის წინ პენიტენციურმა დაწესებულებამ ინფორმაცია გაავრცელა, რომ მიხეილ სააკაშვილი გლდანის მე-18 სასჯელაღსრულების დაწესებულებაში გადაიყვანეს.
მანამდე, დაახლოებით ერთი საათის განმავლობაში უცნობი იყო, მესამე პრეზიდენტის ადგილსამყოფელი.
მსგავსი სტატიები:
“ბიძინა ივანიშვილში ერთი პატარა მატყუარა, ,,გადამგდები” კაცუკა მიიღეს”
“რა სამარცხვინო ხარ, ბიძინა! და რა მწარედ დაისჯები!”
ჰელსინკის კომისია: მოვუწოდებთ საქართველოს მთავრობას, გაათავისუფლოს ნიკა მელია
ცარიელ სკამებს, რომელსაც ახლა დარბაზში ვხედავთ ჰქვია თავისი სახელი – უპასუხისმგებლობა და ამ ცარიელი სკამების უკან დგანან შეშინებული და გაქცეული ადამიანები – რატი იონათამიშვილი
“პირდაპირ ბიძინა ივანიშვილს მივმართავ-რას აკეთებ?”
“შეწყდეს პოლიტიკური ნიშნით ადამიანების დევნა” – ემიგრანტების აქცია აშშ-ში
“ეს არის გოგო რომელიც დღეს, სადარბაზოსთან ჩაცხრილეს”-რას წერს ნანუკა ჟორჟოლიანი თბილისში მომხდარი მკვლელობის საქმეზე
“ის ყოველთვის აყენებდა თავს იმ პოზიციაში, რომ ქვეყნის ბედი მისთვის იყო უმნიშვნელოვანესი”- ვერა ქობალია მიხეილ სააკაშვილზე