მოვუწოდებთ პოლიტიკოსებს, გამოიჩინონ პასუხისმგებლობა და პატივი სცენ დემოკრატიულ არჩევანს — ევროპარლამენტარები

ევროპარლამენტარები მოუწოდებენ პოლიტიკურ აქტორებს, რომ გამოავლინონ პასუხისმგებლობა, პატივი სცენ დემოკრატიულ არჩევანს და იპოვონ კომპრომისი.

წერილს ხელს აწერენ ევროპარლამენტის საგარეო კომიტეტის თავმჯდომარე დევიდ მაკალისტერი, სამხრეთ კავკასიასთან ურთიერთობის დელეგაციის თავმჯდომარე მარინა კალიურანდი, საქართველოს საკითხების მომხსენებელი სვენ მიქსერი და ევროპარლამენტში საქართველოში დემოკრატიული აქტივობის წამყვანი მხარდამჭერი ვიოლა ფონ კრამონი.

როგორც წერილშია აღნიშნული, ისინი იზიარებენ ეუთო/ოდირის, ეუთოს საპარლამენტო ასამბლეის, ევროპის საბჭოს საპარლამენტო ასამბლეის, NATO-ს საპარლამენტო ასამბლეისა და დიპლომატიური სამსახურის შეფასებას პირველ ტურთან დაკავშირებით. ამასთან, მეორე ტურის შემდეგ ისინი ყველა საფუძვლიანი საჩივრის სამართლიან, გამჭვირვალე და დეტალურ განხილვას ელიან.

“მოვუწოდებთ ყველა პოლიტიკურ აქტორს გამოავლინონ პასუხისმგებლობა, თავშეკავება და მოწიფულობა, პატივი სცენ ელექტორატის დემოკრატიულ არჩევანს და მოძებნონ აუცილებელი კომპრომისი ახალი დიალოგის საშუალებით, რომლის ფასილიტატორები ევროკავშირისა და აშშ-ს ელჩები არიან, რათა უზრუნველყოფილი იყოს პარლამენტის შეუფერხებელი ფუნქციონირება, რაც სასიცოცხლოდ მნიშვნელოვანია დემოკრატიისთვის. ყველა პოლიტიკური ძალა ახლადარჩეულ პარლამენტში ახლა უნდა მუშაობდეს კონსტრუქციულად და ამასთან გაითვალისწინოს საქართველოს მიერ არჩეული ევროპული გზა”, — ნათქვამია ერთობლივ განცხადებაში.

ევროპარლამენტარებმა წუხილი გამოთქვეს იმის გამო, რომ მეორე ტურში ოპოზიციის წევრებმა მონაწილეობა არ მიიღეს:

“მოვუწოდებთ, რომ ხარვეზები აღმოიფხვრას ახალი საარჩევნო რეფორმის შედეგად, რომელიც გაითვალისწინებს ეუთო/ოდირის რეკომენდაციებს და ეს პარლამენტში წარმოდგენილი ყველა პოლიტიკური პარტიის აქტიური მონაწილეობით განხორციელდება”.

31 ოქტომბერს გამართული საპარლამენტო არჩევნების შედეგებს ოპოზიცია არ აღიარებს. მათ უარი თქვეს მეორე ტურში მონაწილეობაზე, რომელიც 21 ნოემბერს ჩატარდა, და არ აპირებენ პარლამენტში შესვლას.

პოლიტიკური კრიზისიდან გამოსავლის საპოვნელად აშშ-სა და ევროკავშირის ელჩების შუამავლობით მმართველი პარტიისა და ოპოზიცურ პარტიებს შორის მოლაპარაკებები მიმდინარეობს. ოპოზიციაში აცხადებენ, რომ მათი მოთხოვნები არ იცვლება და რიგგარეშე არჩევნებს მოითხოვენ. თავისი პოზიციების დათმობაზე უარს ამბობს ხელისუფლებაც. როგორც ქართულ ოცნებაში განმარტავენ, რიგგარეშე არჩევნების ჩატარებას არც განიხილავენ.

გააზიარეთ და მოიწონეთ სტატია:

მსგავსი სტატიები

  • 96
    TI: ხელისუფლება ივანიშვილის გავლენის ქვეშაასაერთაშორისო გამჭვირვალობა-საქართველო აქვეყნებს მოკვლევას არაფორმალური მმათველობის პრობლემასა და მისი შედეგების შესახებ. ორგანიზაციის შეფასებით, "ქართული ოცნების მმართველობის ორი ვადის გასვლის თავზე დაგროვილი მტკიცებულებები საკმარისია იმის სათქმელად, რომ კორუფციამ საქართველოში სახელმწიფოს მიტაცების ფორმა მიიღო დღეის მდგომარეობით, საქართველოს ხელისუფლების აღმასრულებელი შტო მთლიანად ერთი ადამიანის გავლენის ქვეშაა. აღმასრულებელ ხელისუფლებას გამოცლილი აქვს შეკავებისა და გაწონასწორების დემოკრატიული მექანიზმები, რაც განპირობებულია…
    Tags: და, არ, რომ
  • 94
    "მე საკუთარი თავი შევიყვარე"- ძალადობის მსხვერპლი ახალგაზრდა ქალის შეცვლილი ცხოვრება 30 წლის დიანა ხერემიანი თბილისიდანაა. ახლა ქალაქ ოზურგეთში ცხოვრობს. ხუთი წლის წინ მოძალადე ქმარს დედაქალაქიდან დააღწია თავი და ცხრა წლიანი, ოჯახური ცხოვრება ერთ დღეში დაასრულა...მანამდე იყო  თანაცხოვრების ურთულესი წლები, მორალური, ფსიქოლოგიური და ფიზიკური ძალადობა, დაუსრულებლად გრძელდებოდა... დედამ უარყო, მეგობრებმა მიატოვეს, სამყარომ ზურგი აქცია და სიფრიფანა გოგო, დარჩა მოძალადე ქმრის პირისპირ.…
    Tags: და, არ, რომ
  • 94
    „გურული დონკიხოტი „- ვინ არის აქტივისტი ქალი, რომელიც რეგიონის ბუნებას ხმალამოღებული იცავსირმა გორდელაძე ოზურგეთის მუნიციპალიტეტში, სოფელ ლიხაურში ცხოვრობს. ისტორიის და სამოქალაქო განათლების პედაგოგია. ყოველთვის აქტიური იყო და საკუთარი სოფლის ყველა საჭირბოროტო საკითხის მოგვარებაში იღებდა მონაწილეობას. ბუნებისდამცველი აქტივისტი მას შემდეგ გახდა, რაც მის სოფელში, მდინარე აჭის ხეობაში, ინერტული მასალის მოსაპოვებლად ერთ-ერთი კომპანია შევიდა და მდინარის კალაპოტს ტრაქტორები მიადგნენ. ირმა იყო ყველგან, დაიწყო…
    Tags: და, რომ, არ
  • 90
    "იფიქრე, ქოცო! ""ქვეყანა ივანიშვილსა და მის 8 წელს ხმამაღლა იხსენებს. ვინ რას გულისხმობს, ვინ რას ამატებს, მაგრამ ყველა თანხმდება - ტყუილი, ტყუილი, ტყუილი დაპირებები 2012-2016 წლებში უნდა შესრულებულიყო. ვინც წინამორბედი ხელისუფლება საკუთარი კალმებით დაამარცხეთ, კითხვაც მათთანაა - გრძნობთ თუ არა, რომ "ქართულმა ოცნებამ" პირველ 4 წელიწადში უმუშევრობის პრობლემა გადაჭრა? მეორე 4 წელიწადში?…
    Tags: და, რომ, არ