საკოორდინაციო საბჭოს გადაწყვეტილებით, პირველი დეკემბრიდან საქართველოს მასშტაბით ე.წ. მწვანე პასპორტი ამოქმედდება, რომლის მიხედვითაც პირს მწვანე სტატუსი აქვს, თუ იგი ვაქცინირებულია სრულად – ორჯერ, ჩატარებული აქვს 72-საათიანი ვალიდურობის პჯრ-ტესტი ან 24-საათიანი ვალიდურობის ანტიგენ-ტესტი ან გადატანილი აქვს კორონავირუსი.
ამ გადაწყვეტილებით რიგ დაწესებულებებში მხოლოდ ის ადამიანები შეძლებენ შესვლას, ვისაც მწვანე პასპორტი აქვთ.
როგორც ცნობილია, ამ პრინციპით არ შეიზღუდებიან ის ადამიანები, რომლებიც სკოლის თანამშრომლები არიან და სკოლის შენობაში შესვლა სურთ. თუმცა, ამავდროულად, დგას საკითხი, მოუწევთ თუ არა მშობლებს სკოლაში შესასვლელად მწვანე პასპორტის წარდგენა.
აღნიშნული თემით Etaloni.ge დაინტერესდა და განათლებისა და მეცნიერების სამინისტროს ცხელ ხაზს დაუკავშირდა.
სამინისტროს ცხელ ხაზზე განგვიმარტეს, რომ ეს რეგულაცია მშობლებს არ შეეხებათ. ზოგადად კი, კორონავირუსის გავრცელების პრევენციის გამო, სკოლის შენობაში მშობლების შესვლა ისედაც არაა რეკომენდირებული.
მსგავსი სტატიები:
“დეკანოზი ბასილი მხილებულია „გარყვნილი შინაარსის მიმოწერაში”- ანდრია ჯაღმაიძე
” ქვეყანა გაკოტრებული, რადარებიდან გამქრალი, ხალხი გაღატაკებული”..
ხვალიდან 15 იანვრის ჩათვლით უქმე დღეები ცხადდება
საქართველოს მთავრობის განკარგულება, ფაშიზმზე გამარჯვების 76-ე წლისთავთან დაკავშირებით
სოფელ ნამოხვანში გაუჩინარებული ახალგაზრდა მამაკაცის ცხედარი იპოვეს
არ შეგეშინდეს ადამიანო!
ყირიმ-კონგოს ცხელებით ინფექციურ საავადმყოფოში პაციენტი გარდაიცვალა
საკანალიზაციო ჭაში ჯერ ძროხა, შემდეგ კი მის ამოსაყვანად მისული პატრონი ჩავარდა