იუსტიციის სამინისტრომ გომისმთაზე მიწების რეგისტრაციის პროცესი შეაჩერა

იუსტიციის სამინისტროს შესაბამისმა სამსახურებმა კურორტ გომისმთაზე არსებული ქონების – ოზურგეთის მუნიციპალიტეტი – მიმდინარე რეგისტრაციის პროცესი შეაჩერა.

როგორც „გურიის მოამბეს“ ამ უწყებიდან ატყობინებენ, სამინისტრომ რეგისტრაციის პროცესი ისე შეაჩრა რომ არცერთი მოქალაქის (სულ შესული იყო 10 ათასამდე განცხადება) განაცხადი არ დააკმაყოფილა.

იუსტიციის სამინსიტროს ეს გადაწყვეტილება მაძიებელთათვის საქართველოში ჩატარებული საპარლამენტო არჩევნების მეორე ტურის დასრულების შემდეგ გახდა ცნობილი.

იუსტიციის მინისტრის 2020 წლის 3 ივლისის №562 ბრძანების საფუძველზე, დასარეგისტრირებელი დიდი ფართობის გათვალისწინებით, სისტემური რეგისტრაციის განსახორციელებლად სულ შვიდი მაღალმთიანი გეოგრაფიული არეალი იყო განსაზღვრული, სადაც მიწის ნაკვეთებზე უფლებათა სისტემური რეგისტრაცია მიმდინარე წლის ბოლომდე უნდა დასრულდეს. მათ შორის დაბა გომისმთის დასახლება.

დასახელებულ არეალში მიწის სისტემური რეგისტრაციის რეფორმა საბიუჯეტო სახსრებით ფინანსდებოდა, სადაც სისტემური წესით კერძო, მუნიციპალიტეტის და სახელმწიფოს საკუთრებაში არსებული ყველა მიწის ნაკვეთი დარეგისტრირდებოდა.
საჯარო რეესტრის ეროვნული სააგენტო მოქალაქეების მომართვას არ დაელოდა და ნაკვეთის რეგისტრაციისთვის საჭირო ყველა პროცედურა – საკადასტრო აგეგმვა/აზომვითი ნახაზების მომზადება, საკუთრების უფლების დამადასტურებელი დოკუმენტაციის მოძიება-ანალიზი და ნაკვეთების დარეგისტრირება – საკუთარი ინიციატივით უფასოდ განახორციელა.

როგორც არჩევნებამდე სამი თვით ადრე ისუტიციის სამინისტრო იუწყებოდა პროექტი კერძო მესაკუთრეებს საშუალებას მისცემდა, მიწის ნაკვეთები მარტივად და უფასოდ დაირეგისტრირებინათ, რათა მოქალაქეებმა შეძლონ რეგისტრირებული საკუთრების ეფექტურად განკარგვა და ეკონომიკური სარგებლის მიღება.

თავიდანვე ვრცელდებოდა ხმები, რომ მაშინდელი იუსტიციის მინისტრის, თეა წულუკიანის ეს ინიციატივა, რომელიც მან კურორტ გომისმთაზე სტუმრობისას გააჟღერა, მომავალ 31 ოქტომბრის საპარლამენტო არჩევნებზე ხმების მოგროვებაზე იყო გათვლილი და მას აღსრულება არ ეწერა.

მიუხედავად ამისა, ათასობით ადამიანი საათობით რიგში იდგა და სპეციალურად ამ საკითხის მოსაგვარებლად შექმნილ კომისიაში განაცხადს არეგისტრირებდა.

10 ათასამდე მოქალაქე სახელმწიფოსაგან მიწის ნაკვეთების კერძო საკუთრებაში დარეგისტრირებას იტხოვდა და სახელმწიფოც ამაში მოქალაქეებს ხელს უწყობდა.

კერძო, წულუკიანის ბრძანებით კურორტზე და ქალაქ ოზურგეთში მუშაობა დაიწყეს საჯარო რეესტრის საველე ჯგუფებმა რომლებიც საკადასტრო აზომვების ტექნიკურ საკითხებზე , მათ შორის, რელიეფურ სირთულეებსა და მეტეოროლოგიურ პირობებზე, გეოდეზიური ხელსაწყოების მუშაობის სპეციფიკასა და სხვა პროცედურულ დეტალებზე მუშაობდნენ. მიუხედავად არეალის კომპლექსური ხასიათისა, საამზომველო სამუშაოები აგვისტოს ბოლოსთვის უნდა დასრულებულიყო.

მიწის სისტემური რეგისტრაციის პროექტის ფარგლებში, საჯარო რეესტრი თავად ახდენდა მიწების აზომვას, საკადასტრო ნახაზების მომზადებას, ყველა საჭირო დოკუმენტების მოძიებას, ნახაზების ჩასწორებას და მიწის ნაკვეთის საკუთრებაში დარეგისტრირებას. ეს  ყველაფერი კი მოქალაქეებისთვის იყო უფასო.

.ხოლო მოქალაქეებს, ვისაც სურდა თავად მიემართა სახელმწიფოსთვის და რეგისტრაციამდე ან მას შემდეგ, პროცესში კორექტივები შეეტანა, საჯარო რეესტრში მიწის აზომვითი ნახაზი და უფლების დამდგენი დოკუმენტი უნდა წარედგინა.

როგორც ზემოთ ავღნიშნეთ საერთო ჯამში საჯარო რეესტრს გომისმთასთან მიმართებაში 10 ათასამდე ადამიანმა მიმარტა თუმცა საჯარო რეესტრმა ყველა მათგანი საფუძვლიანიც თუ უსაფუძვლოც უარით გამოისტუმრა და მეტიც, მიმდინარე კვირის დასაწყისში პროცესი შეწყვიტა კიდეც.

გააზიარეთ და მოიწონეთ სტატია:

მსგავსი სტატიები

  • 67
    კედლის მხატვრობა Associò, ცხოვრება და შემოქმედება- მხატვარი ლევან სონღულაშვილილევან სონღულაშვილი ახალგაზრდა ქართველი მხატვარია, რომელმაც მოკლე პერიოდში თავბრუდამხვევ წარმატებას მიაღწია დასავლურ სახელოვნებო წრეებში. ის დღეს ნიუ-იორკში ცხოვრობს და მოღვაწეობს.  მისი ნამუშევრები უკვე მსოფლიო სახელოვნებო ინსტიტუციების ყურადღების ცენტრშია მოქცეული. თბილისის სამხატვრო აკადემიის დასრულების შემდეგ ლევანი უორჰოლის დაარსებული “ნიუ-იორკის არტ-აკადემიის” პირველი ქართველი მაგისტრი გახდა. აკადემიის ცნობილმა გამოფენა-აუქციონმა – Tribeca Ball 2015-მა…
    Tags: და
  • 61
    TDI: სახელმწიფომ ვერ დაიცვა რელიგიის თავისუფლება, პანდემიის ფონზე იმატა სიძულვილის ენამადამიანის უფლებების საერთაშორისო დღესთან დაკავშირებით ტოლერანტობისა და მრავალფეროვნების ინსტიტუტი, TDI საქართველოში რელიგიის თავისუფლების, ქსენოფობიისა და მიგრანტთა უფლებების საკითხებს აფასებს. TDI-ს ინფორმაციით, 2020 წელი ადამიანის უფლებებისა და თანასწორუფლებიანობის დაცვის კუთხით გამორჩეულად პრობლემური იყო - კოვიდ 19-ით გამოწვეული პანდემია და მისი შედეგები განსაკუთრებულად მწვავედ მოწყვლად ჯგუფებზე აისახა და შექმნილმა ვითარებამ ადამიანის უფლებების…
    Tags: და
  • 60
    ნასაკირალის ბრძოლა1905 წლის თებერვალში ოზურგეთის მაზრაში მყოფ სულთან კრიმ-გირეის გურულებმა  საკუთარი მოთხოვნები, ე. წ.  ბახვის მანიფესტი წარუდგინეს. მთავრობამ მათ დაკმაყოფილებაზე უარი თქვა და გურიაში ალიხანოვ-ავარსკის დამსჯელი რაზმი მიავლინა, თუმცა საზოგადოების ზეწოლის გამო იძულებული გახდა 1905 წლის ივლისში უკანვე გაეწვია. იმავე წლის ოქტომბერში საყოველთაო გაფიცვა რუსეთში გახდა შეიარაღებული აჯანყების დაწყების ნიშანი. 11 ოქტომბერს  სუფსისა…
    Tags: და, იყო
  • 58
    "ფეხშიშველსაც მითამაშია, რეზინის ბოტებითაც"- რას ყვება გოგონა, რომლის დამსახურებითაც ქართული კლუბი ჩემპიონთა ლიგაზე იასპარეზებს19 ნოემბერს რუმინეთის ქალაქ კლუჟში საქართველოს ჩემპიონ ქალთა საფეხბურთო გუნდი "ლანჩხუთი" რუმინეთის ჩემპიონ "კლუჟს" დაუპირისპირდა და ხატია ჭყონიას გატანილმა გოლმა გუნდს დიდი გამარჯვება მოუტანა. მანამდე ჩვენებმა ყაზახეთის ძლიერი გუნდი ანგარიშით 2:1 დაამარცხეს და იქაც ორივე გოლის ავტორი ხატია ჭყონია იყო. როგორც მწვრთნელი ამბობს, რუმინეთის გუნდთან ბრძოლა არ იყო ადვილი, მაგრამ გოგონებმა ეს…
    Tags: და, იყო