მომღერალი ვახტანგ (ბუბა) კიკაბიძე უკრაინის პრეზიდენტს, ვოლოდიმერ ზელენსკის შეხვდა. საუბრის მთავარი თემა საქართველოს მესამე პრეზიდენტის, მიხეილ სააკაშვილის დაკავება და მისი მდგომარეობა იყო.
შეხვედრის დეტალებზე მან მოგვიანებით ჟურნალისტ დიმიტრი გორდონთან ისაუბრა. ვახტანგ კიკაბიძის თქმით, მას ზელენსკიმ უთხრა, რომ უკრაინამ უნდა დაიბრუნოს თავისი მოქალაქე.
“მან მითხრა რომ სააკაშვილი უკრაინის მოქალაქეა და ქვეყანამ ის უნდა დაიბრუნოს. მე კი ვუთხარი, რომ თუ უყვარს ბრძოლა წესების გარეშე, ჩამოვიდეს საქართველოში და ყველა იმ ადგილს ვანახებ, სადაც ურტყამდნენ და სცემდნენ იმ ადამიანებს, ვისი არჩევანიც ევროპაა, ვინც აზროვნებს ხელისუფლებისგან განსხვავებულად. თვალის გარეშე დატოვეს რამდენიმე ადამიანი. 21 ივნისს პოლიციელები მოქალაქეებს, ხელისუფლების ბრძანებით, პირდაპირ სახეში ესროდნენ, ისევე, როგორც ივლისში ჟურნალისტებს სცემს.
დიდხანს ვილაპარაკეთ. მე მას ვუთხარი, რომ ახლა სპეციალურად ჩამოვფრინდი, რათა გთხოვოთ, როგორმე დაეხმაროთ თქვენს მოქალაქეს, რადგან მაქვს განცდა, რომ ხელისუფლებას არ სურს ის ციხიდან ცოცხალი გამოვიდეს. მან მე მომისმინა და მითხრა, რომ სააკაშვილთან დაკავშირებით დღეს სატელეფონო საუბრები ექნება”, – აღნიშნა კიკაბიძემ ინტერვიუში.
ცნობისთვის, საქართველოს მესამე პრეზიდენტი 43 დღეა შიმშილობს. 11 ნოემბერს, სტრასბუგრის სასამართლოს მოწოდების შემდეგ, მან მზაობა გამოთქვა პროტესტის ეს უკიდურესი ფორმა შეწყვიტოს, ოღონდ გარკვეული დათქმებით.
მსგავსი სტატიები:
უნდა ვისწავლოთ, როგორ გავიდეთ სცენიდან – წულუკიანი
“სულ რომ შუშის კოლბაში ჩაჯდეს, მაინც უამრავი “საცეცი” რჩება”
“არ არსებობს არანაირი საფუძველი იმისთვის, რომ ოპოზიციამ უარი განაცხადოს საპარლამენტო მუშაობაზე“
“ვინ დაგაჩოქა ქართლის დედავ ამ წვიმის თქეშში” ?
‘თუ დიდ სუფრებს არ გადავეჩვიეთ ცოტა ხნით, სიტუაცია ისევ დამძიმდება’
ვასაძე პოლიციას-არავითარი პაგონი, შვილები გკითხავენ, პიდარასტებს იცავდი?
“ალმა”: შეხება არ გვაქვს შინაარსთან, დიზაინთან, ვიზუალურ ელემენტებთან
საკუთარ თავზე რომ იტყვი “კაცი ვარო” მანდ უკვე ბანძი ხარ – ირაკლი ოქრუაშვილი