“მონა”, “სირცხვილია” – სალომე ზურაბიშვილს პარიზში მცხოვრები ქართველები შეძახილებით დახვდნენ

საქართველოს პრეზიდენტი პარიზში “გრანდ კაფე კაპუცინზე” ვახშმობდა, როცა პარიზში მცხოვრები ქართველი აქტივისტები შეძახილებით დახვდნენ. პროტესტის მიზეზი სალომე ზურაბიშვილის პოზიციაა მიხეილ სააკაშვილის პატიმრობასა და მისი ჯანმრთელობის მდგომარეობასთან დაკავშირებით.

“ეს იყო ჩვენი პირველი პერფორმანსი, როცა პირდაპირ მივედით და გამოვთქვით ჩვენი პროტესტი იმაზე, რასაც არ ვეთანხმებით.

გავხდით აქტივისტები იმის შემხედვარე, რაც ხდება საქართველოში. იმისთვის რომ დავიცვათ ყველა მოქალაქის და, მით უმეტეს, პრეზიდენტის, რომელმაც ფეხზე დააყენა საქართველო, ელემენტარულ უფლებებზეა საუბარი. ამჟამინდელი მარიონეტი პრეზიდენტის უგულობა ამ სიტუაციაში ძალიან გვაკვირვებს. ჩვენც საფრანგეთში გავიზარდეთ, 20-25 წელია აქ ვცხოვრობთ და ძალიან გვიკვირს, როგორ შეიძლება იყო უგულო, მით უმეტეს, როცა ისეთ ქვეყანაში გაიზარდე, როგორიც არის საფრანგეთი”, – ამბობს რადიო თავისუფლებასთან თამარ დემურია, ორგანიზაცია “საფრანგეთიდან დანახული საქართველოს” დამფუძნებელი.

ორგანიზაცია ცდილობს, საქართველოში მიმდინარე მოვლენებზე აქტიურად მიაწოდოს ინფორმაცია ადგილობრივ სტრუქტურებს. მათ გაუგზავნეს ოფიციალური წერილი პრეზიდენტ მაკრონსაც, იმ მიზნით, რომ საერთაშორისო საზოგადოებამ, ამ შემთხვევაში საფრანგეთმა, მხარი დაუჭიროს სააკაშვილის გათავისუფლებას და მაღალტექნოლოგიურ მულტიპროფილურ კლინიკაში მკურნალობას.

საქართველოს პრეზიდენტი საფრანგეთში სამუშაო ვიზიტით იმყოფება. მან მონაწილეობა მიიღო იუნესკოს 75 წლისთავისადმი მიძღვნილ ფორუმში, რომელზეც სხვადასხვა ქვეყნის პირველი პირები შეიკრიბნენ, მათ შორის სალომე ზურაბიშვილი შეხვდა პრეზიდენტ მაკრონსაც.

radio tavisufleba

გააზიარეთ და მოიწონეთ სტატია:

მსგავსი სტატიები:

მელია: იმედია, გავრილოვები მორიგ სიგიჟეს არ ჩაიდენენ ჩვენ ნიკა მელიას გადავეფარებით- შალვა ნათელაშვილი ნიკა მელიას გათავისუფლების გასაღები ხელისუფლების ხელშია – ადვოკატი მელიასთან შეხვედრის შემდეგ ოზურგეთში დარღვეული რეგულაციები – მეტადონის პროგრამაში ჩართული ბენეფიციარები დახმარებას ითხოვენ (ვიდეო) – “როდის გადადგებით, ბატონო ირაკლი?” – პრემიერი ჟურნალისტების შეკითხვებს ისევ გაექცა კობახიძე ფიქრობს, რომ თვითმმართველობის არჩევნებზე ქართული ოცნებისთვის 48%-ის აღება საკმაოდ რეალურია “ბაღის აღმზრდელებსა და მასწავლებლებს მიეცით უფლება აკეთონ ის საქმე, რაც ევალებათ” – ბესო ქათამაძე თავისუფლება მესამე პრეზიდენტს – ხელმოწერები freemisha.ge-ზე