“ოცნება” ევროპის წინააღმდეგ – ხელისუფლების სწრაფვა რუსეთისკენ

შეშფოთების დრო აღარ არის, დასავლეთი უკვე აღშფოთებული და გაოცებულია – “ქართულმა ოცნებამ” უკვე მთლად ღიად განაცხადა, რომ ევროპული ღირებულებები მას არ აინტერესებს და დასავლეთის წარმომადგენლებს მტრებად თვლის.

შარლ მიშელის შეთანხმების გაუქმების შემდეგ, როგორც ლაპარაკობს და როგორც ექცევა ხელისუფლება დასავლეთის წარმომადგენლებს, ასე უნდა ექცეოდეს საქართველო, წესით, კრემლის წარმომადგენლებს. მაგრამ პუტინის მეგობრებს “ქართული ოცნება” ფიანდაზებით ხვდება.

ევროპელებს კრიმინალების მფარველებად მოიხსენიებენ! პუტინზე და კადიროვზე რას ფიქრობენ, ძალიან მაინტერესებს, მათზე ერთი გადაბრუნებული სიტყვაც არ მოგვისმენია ხელისუფლებისგან. იმაზე აღარ ვლაპარაკობ, რომ “ქართული ოცნების” მმართველობა მთლიანად ადგილობრივი კრიმინალების მხარდაჭერაზე დგას და ყველაზე მეტად ხელისუფლების შეცვლის სწორედ ქართველ კრიმინალურ ავტორიტეტებს ეშინიათ, იმიტომ, რომ იციან, რომ “ოცნების” დასრულებასთან ერთად მათი პარპაშიც დასრულდება.

გავრილოვის მასპინძლები ევროპელებს ეძახიან კრიმინალების მფარველებს! როდესაც ანა ფოტიგა მიხეილ სააკაშვილთან, უბრალოდ, არ შეუშვეს – ფოტიგამ თქვა, რომ მხოლოდ იმიტომ ერიდება თავისი შეფასების სრული სიმძაფრით გამოხატვას, რომ ჯერ კიდევ უფრთხილდება საქართველოს ევროპულ ოჯახში გაწევრიანების შანსს, ოღონდ თუ ასეთი შანსი უკვე საერთოდ არსებობს.

ესტონეთის ყოფილი პრეზიდენტი კი პირდაპირ ამბობს, რომ საქართველოს ხელისუფლება ცენტრალური აზიის დესპოტური მმართველობის გზას დაადგა და აქ ევროკავშირის საჭიროება საერთოდ აღარ არის.

აღარაფერი აღარ დარჩა – მხოლოდ ოფიციალურად გამოცხადება, რომ საქართველო რუსეთს უერთდება. “ქართულმა ოცნებამ” ეს, ფაქტობრივად, უკვე გვითხრა. ევროპასთან მიღწეული შეთანხმებები გადახეულია. გეორგიევსკის ახალი ტრაქტატის გაფორმებაღა დარჩა. “ოცნება” მალე ამასაც გააკეთებს.

ტვ მთავრი

გააზიარეთ და მოიწონეთ სტატია:

მსგავსი სტატიები:

ძალიან ლეგიტიმური კითხვაა – ნიკა მელია კელი დეგნანს მიმართავს “ვერავინ წარმოიდგენდა,ოკუპანტ გავრილოვს გზას იმ კაცის შვილიშვილი გაუთეთრებდა, ვინც ლენინი თბილისში შემოიყვანა” ვფიქრობთ, კონსენსუსზე დაფუძნებული ამნისტიის პროექტი გვექნება- წილოსანი პრემიერის არარსებული ვიზიტის გამო ბიუჯეტიდან გამოყოფილი 12 630 ლარი, რომელშიც ანზორ ერქომაიშვილის სახელი გამოიყენეს თურნავა-ჩვენ ადამიანის უფლებების დაცვის ერთგული მთავრობა ვართ “აღადავებულა – ეგ ყ**… არ ვახსენებდი ხოლმე ამ ს*რს, მეთქი ცოდოა… რომ აგაგდებთ, აღარ ჩამოგაგდებთ – ვის მიმართავს მშვილდაძე?! “საშიშია ამ ქვეყნად წოდებულ საგიჟეთში ცხოვრება, დროა გავასწროთ, ვისაც შეგვიძლია” “მიხეილ სააკაშვილის ჯანმრთელობის მდგომარეობა არის დამაკმაყოფილებელი…”-ნიკა გვარამია