ასევე, გიორგი კვირიკაშვილი წერს, რომ პატიმარი სააკაშვილი სახელმწიფომ სამედიცინო თვალსაზრისით უნდა უზრუნველყოს და როგორც არ უნდა ფასდებოდეს პირადად სააკაშვილი, მის ჯანმრთელობაზე ზრუნვა ქვეყნის ღირსების საკითხია, რადგან ის საქართველოს მესამე პრეზიდენტია.
“ვფიქრობ, პატიმარ სააკაშვილის ღირსების შემლახველი ვიდეო კადრების მოხვედრა ღია საეთერო სივრცეში და განსაკუთრებით რუსულ ტელეარხებზე ატეხილი ხორხოცი არის თითოეული ქართველის შეურაცხყოფა და დამაზიანებელია ქვეყნისთვისაც და ხელისუფლებისთვისაც, ისევე როგორც პატიმრობაში მყოფ ადამიანზე (როგორც არ უნდა იქცეოდეს ის) სარკასტული ქილიკი არ არის თავსებადი ქართულ და ზოგადად კავკასიურ ადათ-წესებთან. ასევე, ვფიქრობ, რომ პატიმარი სააკაშვილი სახელმწიფომ უნდა უზრუნველყოს იმ სტანდარტის სამედიცინო მომსახურებით, რომელიც მოთხოვნილია მისი მკურნალი ექიმების მიერ. ეს, უპირველეს ყოვლისა, ქართული ოცნების ხელისუფლების და შემდგომ ქვეყნის ღირსების საკითხია, ვინაიდან, როგორადაც არ უნდა ვაფასებდეთ მიხეილ სააკაშვილს პირადად და მის პოლიტიკურ მემკვიდრეობას, ის მაინც საქართველოს ყოფილი პრეზიდენტია” , – ნათქვამია კვირიკაშვილის განცხადებაში
სააკაშვილი 46-ე დღეა, პროტესტის ნიშნად შიმშილობს. მისი მდგომარეობა მძიმეა. ექიმის თქმით, სააკაშვილს სიარულიც აღარ შეუძლია. ის შიმშილობას შეწყვეტს, თუ სამოქალაქო კლინიკაში გადაიყვანენ, თუმცა, ხელისუფლება ამაზე უარს აცხადებს.
მსგავსი სტატიები:
ოზურგეთის საბავშვო ბაღებში ბავშვების საკვები პროდუქტებით მოწამვლა გამოირიცხა
ჟურნალისტ მარიამ გაფრინდაშვილს პირდაპირი ეთერის დროს თავს დაესხნენ
“ვიფიქროთ იმაზე, როგორ გამოვიყენოთ შანსი, რომელიც გახარიას გადადგომამ გააჩინა”
“რა გააკეთეთ ბოლო წლების განმავლობაში, რომ ქვეყნის PR-ზე გემუშავათ?”
რეგიონების განვითარების ახალი ტალღა იწყება- თურნავა
“ამ ორ დასაქოქ რობოტს მინდა ვუთხრა…” – ვახო სანაია
“ეს კაცუნა, ირაკლი კობახიძის სიძე, წლების წინ ჩემი სტუდენტი იყო, იქაც “პა ბლატუ” მოხვდა, ამბიციური “ტუპიაკი”- ნიკა გვარამია
“წაი სვავო სახლში”-ნიკა გვარამია ივანიშვილს