იაკობ გოგებაშვილის „დედაენის“ მიხედვით “ინტერაქტიური წიგნი“ შეიქმნება

იაკობ გოგებაშვილის „დედაენის“ მიხედვით “ინტერაქტიური წიგნი“ შეიქმნება. ამ მიზნით საქართველოს კულტურის სპორტის და ახალგზარდობის  სამინისტროს მიერ გამოცხადებულ პროექტს შპს „საერთაშორისო კულტურის სივრცე“ განახორცილებს.

„საერთაშორისო კულტურის სივრცის“ დირექტორის მარიამ ლომთათიძის განცხადებით, იაკობ გოგებაშვილის „დედაენის“ გაციფრულების იდეის პროექტად შექმნა აუცილებლობას წარმოადგენდა.

„მსოფლიოს რიგი ქვეყნების პრაქტიკაში დანერგილია ბეჭდური წიგნის გაციფრულების იდეა. ქართული ენა და დამწერლობა მსოფლიოს 14 დამწერლობათა შორის განსაკუთრებულ ადგილს იკავებს. მიმაჩნია, იაკობ გოგებაშვილის „დედაენის“ გაციფრულების იდეა ძალიან მნიშვნელოვანია“, – აცხადებს მარიამ ლომთათიძე.

მისივე თქმით, 21-ე საუკუნის გამოწვევა და პანდემიური ცხოვრება უკვე ორი წელია მნიშვნელოვნად პრობლემას ქმნის როგორც, პირველკასელთათვის ასევე პედაგოგებისთვის და მშობელბისთვის. სწავლის გამარტივების კუთხით დღის წესრიგში დადგა საჭიროება კომპლექსურად განვიხილოთ კომპიუტერთან ურთიერთობა განათლების ახალ მიმართულებად.

“იაკობ გოგებაშვილის „დედაენის“ გაციფრულება ფუნდამენტურად ცვლის მშობლის დამოკიდებულებას მისი შვილის კომპიუტერთან დამოკიდებულების კუთხით, რომელიც აისახება ახალი ხედვით. ციფრული წიგნის შექმნით ბავშვებს ეძლევათ შესაძლებლობა სახალისო და საინტერესო გახდეს ნებისმიერი განათლების მიღება ვირტუალური სივრციდან“, – აცხადებს ლომთათიძე.

პროექტის ინიციატორის, საქართველოს კულტურის სპორტის და ახალგზარდობის  სამინისტროს განმარტებით, პროექტის აუდიტორიას წარმაოდგენენ: პედაგოგები, მოსწავლეები, სტუდენტები, სხვადასხვა პროფესიის წარმომადგენლები, დიასპორის და ფართო სპექტრის საზოგადოება მსოფლიოს სხვადასხვა ქვეყნიდან.

“მსოფლიოს ნებისმიერ ქვეყანაში შესაძლებელი გახდება ქართული ენის წერა-კითხვის შესწავლა. იაკობ გოგებაშვილის დედაენის ინტერაქტიური წიგნის შექმნის იდეა პირდაპირ პასუხობს 2021 წლის თბილისის წიგნის დედაქალაქად გამოცხადების პროგრამით გაწერილ პრიორიტეტებს”, – აცხადებენ კულტურის სპორტის და ახალგზარდობის  სამინისტროში.

საქართველოს კულტურის სპორტის და ახალგზარდობის  სამინისტროს მხრიდან პროექტი 50 000 ლარით დაფინანსდა.

cnews.ge

გააზიარეთ და მოიწონეთ სტატია:

მსგავსი სტატიები:

“პანიკა საჭირო არ არის, კოვიდ 19-ის ვაქცინას ყველა მიიღებთ“-ჯანმო ქებათა ქება ოლიგარქს-“ოცნების” წევრთა გამორჩეული შეფასებები დედის 8 “ტყუილი”-უცნობის ისტორია! არასამთავრობო ორგანიზაციების წერილი ამერიკელ სენატორებს “ვერაფრით ვერ ვხვდები, რა შედეგზეა გათვლილი „პრაიდის“ გამართვა. ბოლქვაძეს სურს, რომ ჩოხატაურში ერთ-ერთ სკოლას მამამისის სახელი ეწოდოს ლანჩხუთში “ეტალონის” გამარჯვებული მოსწავლე გამოვლინდა ისტორიაში პირველად, არქეოლოგებმა ორსული მუმია აღმოაჩინეს