“ლანჩხუთმა” შესაძლოა შინ ვერ ითამაშოს- შვედური გუნდი საქართველოში ჩამოსვლის წინააღმდეგია

შვედური გამოცემა svt.se წერს, რომ ქალთა ჩემპიონთა ლიგის “ნოკ-აუტის” პირველ ეტაპზე საქართველოს ჩემპიონი “ლანჩხუთის” მეტოქე “როსენგარს” 8 დეკემბერს გასამართი მატჩის ნეიტრალურ სტადიონზე ჩატარება სურს.
შვედეთის მთავრობის მითითების მიხედვით, 31 იანვრამდე საქართველოში ჩამოსვლა რეკომენდირებული არაა, სწორედ ამიტომ, შვედურ მხარეს ნეიტრალური ადგილი ერთადერთ რეალურად ალტერნატივად მიაჩნია.
“არ ვიცი საუკეთესო გზა რა შეიძლება იყოს. ჩვეულებრივ, საქართველოში თამაში კარგი იქნებოდა. თუმცა, დღევანდელი შეზღუვების გათვალისწინებით, ნეიტრალური გეგმა ერთადერთი ალტერნატივაა,”- განაცხადა “როსენგარის” სპორტულმა დირექტორმა ტერესა სერგანმა.
მისივე სიტყვით მატჩის ჩატარების ალტერნატულ ადგილებად პოლონეთი, საბერძნეთი და კვიპროსი განიხილება.
აღსანიშნავია, რომ გუნდის კაპიტანი, კეროლაინ სეგერი უეფას აკრიტიკებს და ამბობს, ევრპული ფეხბურთის მმართველი ორგანო ქალთა გუნდებს ისეთივე დახმარებას რომ უწევდეს, როგორც კაცთა კლუბებს ეხმარება, პრობლემა არ იქნებოდა. მოგეხსენებათ, კაცთა ჩემპიონთა ლიგაზე მატჩის ადგილას ჩარტერული რეისით ჩაფრენა სავალდებულოა და ფინანსების ნაწილს უეფა გამოყოფს ხოლმე.
ქალთა შემთხვევაში, კი პირიქითაა, უეფა ტრანსპორტის ხარჯებს კლუბებს არ უნაზღაურებს და შესაბამისად, ვერც “როსენგარს” ექნება ორგანზაციის იმედი.
ასეა თუ ისე, შვედური მხარე ნეიტრალურ მოედანზე თამაშს ითხოვს და ჯერ გაურკვეველია, თუ ზუსტად სად გაიმართება მატჩი.
გააზიარეთ და მოიწონეთ სტატია: