მიხეილ სააკაშვილი გამოეხმაურა შვილის, ედუარდ სააკაშვილის მოსაზრებას

ნიკა გვარამიამ, რომელიც საქართველოს მესამე პრეზიდენტის მიხეილ სააკაშვილის ინტერესებს იცავს, მასთან გორის სამხედრო ჰოსპიტალში შეხვედრის შემდეგ, საზოგადოებას გააცნო ექსპრეზიდენტის განმარტება შვილის, ედუარდ სააკაშვილის მოსაზრების შესახებ. ყოფილ პრეზიდენტს ერთ-ერთ საკითხზე შვილისგან განსხვავებული პოზიცია აქვს.

„მიხეილ სააკაშვილმა მთხოვა, მეთქვა: რადიო თავისუფლებასთან ინტერვიუში საუბარი იყო მისი ვაჟის მხრიდან, რომ ვიღაცებს სურთ მიხეილ სააკაშვილის სიკვდილი და ეს ურჩევნიათ, შეიძლება. თვითონ მიშამ მთხოვა, განმარტება მიმეცა, რომ მისი ვაჟი არის სრულწლოვანი ადამიანი, მას თავისი აღქმები აქვს, თავისი პოზიციები აქვს და იგი აფიქსირებს მამასთან შეთანხმების გარეშე, ცხადია, ამ ყველაფერს. თვითონ [მიხეილ სააკაშვილი] არ მიიჩნევს და ვერ ხედავს ადამიანებს, რომლებიც მისი სიკვდილის ფასად, რაიმე სიკეთის მიღწევას უშვებდეს და აქ ჩამოიყვანეს იმიტომ, რომ მომკვდარიყო და რაღაც ზიანი მიეყენებინათ ხელისუფლებისთვის. ეს მისი პოზიცია არ არის, თუმცა ცხადია, შვილს ის არ ემიჯნება. პირიქით [მიხეილ სააკაშვილი], ამბობს: „მიხარია, რომ ინტერვიუ მისცა, მიხარია, რომ საკუთარი აზრები გადმოსცა. ეს ის ნაწილია, სადაც მე ასე არ ვხედავ“. ვფიქრობ, ეს ძალიან ნორმალური პოზიციაა. ერთსაც ჰქონდა ამის გამოთქმის უფლება და მეორესაც კომენტარის გაკეთების უფლება“, – განაცხადა ნიკა გვარამიამ.

“შვილი” – გოგი გვახარიას ახალი პროექტია, მისი პირველი გმირი კი იყო საქართველოს მესამე პრეზიდენტის უფროსი შვილი ედუარდ სააკაშვილი. ახალი გადაცემის პრემიერა 23 ნოემბერს შედგა.

ედუარდ სააკაშვილმა გადაცემაში თქვა: „ძაან მაშფოთებს და მართლა შემზარავი არის, როცა მესმის ოპოზიციის მხრიდანაც ამაზე საუბარი, რომ „აი, თქვენ არ იცით რა მოხდება“. ფაქტობრივად, უკვე, ნებით თუ უნებლიეთ, ვიღაცებს მოთხოვნილება უჩნდებათ, რომ რა მაგარი იქნება ეს [მიხეილ სააკაშვილი] მართლა რომ მოკვდეს. რა მაგარ რაღაცებს გავაკეთებთ და ამათ [„ქართულ ოცნებას“] დედას ვუტირებთ, – აღნიშნა ედუარდ სააკაშვილმა და დაამატა, – მე აქ არაფერ კონსპირაციულს არ ვიძახი. ტელევიზიიდანაც ასე ჩანს, რომ ვიღაცებში გამოიკვეთა ტენდენცია, რომ შეიძლება, მართლა ურჩევნიათ მკვდარი, ვიდრე ცოცხალი“.

გააზიარეთ და მოიწონეთ სტატია:

მსგავსი სტატიები:

რის სანაცვლოდ გაურიგდა “უცნობი” სააკაშვილს? ზიმბაბვეს საგარეო საქმეთა მინისტრი კორონავირუსით გარდაიცვალა “გირჩის” 7 მოთხოვნა – რა შემთხვევაში შევლენ პარლამენტში? “გრიგოლეთშიც დაიწვა სამი სახლი… ჯიპების ნაცვლად გამართული სახანძროები იყიდეთ, პროტესტიც ნაკლები იქნება” გურიის ყოფილი გუბერნატორი გიორგი სახოკია საქმიანობას ჯანდაცვის სამინისტროში გააგრძელებს ამ კაცმა თავის ყველა მეზობელს სიმყუდროვე და კომფორტი შეუქმნა – თემურ თათარაშვილი “არ გვეშინია დედამიწის ზურგზე არავის” – ალუდა ღუდუშაური ბათუმში ნაციონალური მოძრაობის ოფისს ქვები ესროლეს