მოპედებისა და კვადროციკლებისთვის მართვის მოწმობის ახალი კატეგორია დადგინდა

„საგზაო მოძრაობის შესახებ“ საქართველოს კანონში განხორციელებული ცვლილების შედეგად, დადგინდა მართვის მოწმობის ახალი კატეგორია AM, რომელიც აერთიანებს მოპედებსა და მსუბუქ კვადროციკლებს. ინფორმაციას შსს-ის მომსახურების სააგენტო ავრცელებს.

სააგენტოს ცნობით, ნებისმიერი კატეგორიის/ქვეკატეგორიის მართვის უფლების მქონე პირს, უფლება ექნება მართოს AM კატეგორიის სატრანსპორტო საშუალება.

„იმ შემთხვევაში, თუკი დაინტერესებულ პირს სურს AM კატეგორიის მართვის მოწმობის მოპოვება, მას მოუწევს მხოლოდ მართვის უფლების მისაღები თეორიული გამოცდის ჩაბარება. თეორიულ გამოცდაზე პირველადი გასვლა უფასო იქნება“, – აცხადებენ მომსახურების სააგენტოში.

გააზიარეთ და მოიწონეთ სტატია: