“საკანში ბევრი ვიტირე ამ წერილების წაკითხვისას” – მიხელ სააკაშვილი მასწავლებლების წერილებსა და გელა ჩარკვიანზე

საქართველოს მესამე პრეზიდენტმა, მიხეილ სააკაშვილმა სასამართლო პროცესზე სიტყვით გამოსვლისას საკუთარი მასწავლებლები და მათ მიერ გაგზავნილი წერილები გაიხსენა.

მიხეილ სააკაშვილმა გელა ჩარკვიანზეც ისაუბრა:

“საქართველო არის ქვეყანა, სადაც მე მასწავლიდნენ ისეთი მასწავლებლები, როგორიც იყვნენ გელა ჩარკვიანი და მარად ჭავჭავაძე. მე ციხეში მივიღე წერილი ჩემი პირველი მასწავლებლისგან, ნინელი თათარაშვილისგან, რომელიც მასწავლიდა შალვა ამონაშვილის ყველაზე ინოვატორული სისტემით პირველ ექსპერიმენტალურ სკოლაში და ასევე კლარა ჩხაიძისგან 51-ე სკოლაში, ჩემი ქართული ენისა და ლიტერატურის მასწავლებლისგან და არ დაგიმალავთ, რომ საკანში ბევრი ვიტირე ამ წერილების წაკითხვისას. სხვა არაფერზე არ მქონია ასეთი რეაქცია.

მე ვიცი, რომ გელა ჩარკვიანი იყო სიცოცხლის ბოლო დღეებში პირველი ხელმომწერი ჩემი გათავისუფლების პეტიციის და რა თქმა უნდა, მისი გარდაცვალების ამბავი გავიგე გონების დაკარგვამდე მე-18 დაწესებულებაში ცოტა ხნით ადრე. ესეც ძალიან მძიმე დარტყმა იყო ჩემთვის. გელა ხშირად ამბობდა, რომ მე ვიყავი მის ცხოვრებაში ყევლაზე საუკეთესო მოსწავლე და მე უბრალოდ ჩემს თავს ვუთხარი, რომ ვერ მომეცა საშუალება, მენახა ის და მეთქვა, რომ ის იყო ჩემი ყველაზე საუკეთესო მასწავლებელი.

ისე მოხდა, მისტიკაა რაღაცა, შეიძლება ახლა ამას იმდენი მნიშვნელობა არ აქვს, მაგრამ რამდენიმე დღით ადრე, სანამ გავიგე გელას გარდაცვალება, დამესიზმრა პეკინის ქუჩაზე მისი ბინა და თითქოს, ირაკლი ჩარკვიანი, რომელიც ჩემი მეგობარი იყო და ერთად ვიზრდებოდით, მეუბნებოდა, რომ გელა გასულია და ცოტა ხანში დაბრუნდებაო და რამოდენიმე დღეში გავიგე მისი გარდაცვალების ამბავი.

რა შუაშია ეს ყველაფერი, არის ის, რომ ყოველ ღამეს მესიზმრებოდა საქართველო: ბათუმი, აფხაზეთი, ჩემი ეზოს სტადიონი, სადაც ფეხბურთის სათამაშოდ ჩავდიოდი პეკინის ქუჩაზე და სულ უფრო აუტანელი ხდებოდა განცდა, რომ ამ ყველაფერს ვკარგავ მე და ვკარგავთ როგორც ქართველები”,- თქვა მიხეილ სააკაშვილმა. 

მიხეილ სააკაშვილის სასამართლო სხდომა ამ წუთებში მიმდინარეობს. ეს პირველი პროცესია, რომელზე დასწრების საშუალებაც მესამე პრეზიდენტს მიეცა.

გააზიარეთ და მოიწონეთ სტატია:

მსგავსი სტატიები:

პარლამენტში შესვლის სანაცვლოდ “ოცნებამ” ფული შემომთავაზა- თაკო ჩარკვიანი გახარია რაზე ილაპარაკებს, წარმოდგენა არ მაქვს- ბოლქვაძე როგორ შეიძლება მიხეილ სააკაშვილს არ შეეძლოს საკუთარ ქვეყანაში იყოს და თავის პარტიასთან ერთად იბრძოლოს – ბარამიძე “თქვენ ხართ ნაგავი” – ხაინდრავა ჟურნალისტებს ეს უკვე ფსიქიატრიაა… ასეთი სიზუსტით არაფერი გადმოსცემს ქართული ოცნების სახეს – ნიკა გვარამია წულუკიანზე ლელო 14 ოქტომბერს ენმ-ს აქციას არ შეუერთდება ხალხმრავლობა დილიდან ოზურგეთის ნაციონალური მოძრაობის ოფისთან-თავისუფლება მიშას “2012 წლის მერე ქვეყანას ასეთი აქცია არ ახსოვს, ეს შეუქცევადი პროცესია და სჯობს ხელისუფლებამ გაიაზროს დიდი შერიგების ინიციატივა”- ხათუნა ლაგაზიძე