“საქართველო შორდება თავის მეგობრებს და ეს ვლადიმერ პუტინს აწყობს”, – ამბობს “ამერიკის ხმასთან” ინტერვიუში ამერიკელი დიპლომატი და სახელმწიფო დეპარტამენტის ყოფილი მაღალჩინოსანი, დენიელ ფრიდი.
როგორც მან აღნიშნა, მნიშვნელოვანია საქართველომ აჩვენოს, რომ ის არ არის გახვეული პოსტსაბჭოთა ავტოკრატიაში, თუმცა მისივე თქმით, ბევრის აზრით ქვეყანა დღეს სწორედ ამისკენ მიექანება.
“საქართველოს მეგობრები ამერიკაში, რომელთა რიცხვიც უზარმაზარია საგარეო ურთიერთობათა წრეებში, შეძრწუნებულები არიან იმით, რასაც საქართველოში გასული წლის განმავლობაში ხედავდნენ. მათ შორის სხვა საკითხებთან ერთად, ეს ეხება მიხეილ სააკაშვილის დაკავებასაც. საქართველო შორდება თავის მეგობრებს და ვის აწყობს ეს? ალბათ პუტინს, იმიტომ, რომ ამას საქართველოს იზოლაციამდე მივყავართ. ევროპელები, რომლებსაც ყოველთვის შერეული დამოკიდებულება ჰქონდათ საქართველოსადმი, ახლა ამბობენ, “ჩვენ რატომ უნდა გვადარდებდეს ეს”.
საქართველოს სჭირდება მოიკრიბოს პოლიტიკური კაპიტალი და ეს შეუძლია იმით, რომ დაუბრუნდეს რეფორმების გზას. არ მაინტერესებს ამას “ქართული ოცნება” გააკეთებს, “ნაციონალური მოძრაობა” თუ ვინმე სხვა. საქართველოს სჭირდება იმის ჩვენება, რომ მას აქვს მომავალი და არაა გახვეული პოსტსაბჭოთა ავტოკრატიაში, საითაც ბევრის აზრით, ქვეყანა მიექანება”, – თქვა დენიელ ფრიდმა.
მსგავსი სტატიები:
მელია: იმედია, გავრილოვები მორიგ სიგიჟეს არ ჩაიდენენ
ჩვენ ნიკა მელიას გადავეფარებით- შალვა ნათელაშვილი
ნიკა მელიას გათავისუფლების გასაღები ხელისუფლების ხელშია – ადვოკატი მელიასთან შეხვედრის შემდეგ
ოზურგეთში დარღვეული რეგულაციები – მეტადონის პროგრამაში ჩართული ბენეფიციარები დახმარებას ითხოვენ
(ვიდეო) – “როდის გადადგებით, ბატონო ირაკლი?” – პრემიერი ჟურნალისტების შეკითხვებს ისევ გაექცა
კობახიძე ფიქრობს, რომ თვითმმართველობის არჩევნებზე ქართული ოცნებისთვის 48%-ის აღება საკმაოდ რეალურია
“ბაღის აღმზრდელებსა და მასწავლებლებს მიეცით უფლება აკეთონ ის საქმე, რაც ევალებათ” – ბესო ქათამაძე
თავისუფლება მესამე პრეზიდენტს – ხელმოწერები freemisha.ge-ზე