“რთულია სერიოზულად აღვიქვათ ბატონი მინისტრის გამოსვლა განსაკუთრებით იმ სიტყვების შემდეგ, როდესაც ბიძინა ივანიშვილი ექვთიმე თაყაიშვილს შეადარა – ამ ფრაზისვე დარად მოვისმინეთ მისი განცხადებები, როგორი მაღალი ტექნოლოგიების შესაფერისი განათლების სისტემა გვაქვს”, – ამის შესახებ პარლამენტის წევრმა, „რესპუბლიკური პარტიის“ ლიდერმა ხათუნა სამნიძემ პარლამენტის პლენარულ სხდომაზე განაცხადა, სადაც განათლებისა და მეცნიერების მინისტრს მიხეილ ჩხენკელს „მინისტრის საათის“ ფორმატში უსმენენ.
ხათუნა სამნიძემ მოსწავლეების ინტერნეტთან ხელმისაწვდომობაზეც ისაუბრა და აღნიშნა, რომ პრობლემის მიუხედავად ბიუჯეტში ინტერნეტიზაციის ხარჯები 22 მლნ-ით მცირდება.
„როგორი მაღალი ტექნოლოგიების შესაფერისი განათლების სისტემა გვაქვს, როგორ გახდება ზოგადი განათლებს ბიუჯეტი 2030 წელს 2 მლრდი, როგორი ევროპული სტანდარტისაა ციფრული დუალური სწავლება – ასეთი ფრაზები მოვისმინეთ მაშინ, როდესაც ვიცით, რა დონეზე არიან ჩვენი მოსწავლეები განათლების დონით; მაშინ, როდესაც პანდემიის ფონზე პირველი, რაც იხურებოდა ეს იყო საგანმანათლებლო დაწესებულებები. წლევანდელი ბიუჯეტის ცვლილებაში 22 მლნ აკლდება ინტერნეტიზაციის ხარჯებს, მაშინ, როდესაც კარგად იცით, ბატონო მინისტრო, რომ ამ ქვეყანაში ძალიან ბევრ ოჯახს არ აქვს ინტერნეტზე ხელმისაწვდომობა, რომ ონლაინ გაკვეთილებით განათლება მიიღოს.
ორი მიმართულებით მაქვს შეკითხვა – როგორ ხედავთ იმას, რომ ინტერნეტთან ხელმისაწვდომობა არ იყოს პრობლემა. კონკრეტულად რა არის დაგეგმილი. რაიონების ჩამოთვლით და ასევე პროფესიულ განათლებაზე რომ თქვათ, რა არის სსტატისტიკა დასაქმების“,- განაცხადა სამნიძემ.
მსგავსი სტატიები:
მელია: იმედია, გავრილოვები მორიგ სიგიჟეს არ ჩაიდენენ
ჩვენ ნიკა მელიას გადავეფარებით- შალვა ნათელაშვილი
ნიკა მელიას გათავისუფლების გასაღები ხელისუფლების ხელშია – ადვოკატი მელიასთან შეხვედრის შემდეგ
ოზურგეთში დარღვეული რეგულაციები – მეტადონის პროგრამაში ჩართული ბენეფიციარები დახმარებას ითხოვენ
(ვიდეო) – “როდის გადადგებით, ბატონო ირაკლი?” – პრემიერი ჟურნალისტების შეკითხვებს ისევ გაექცა
კობახიძე ფიქრობს, რომ თვითმმართველობის არჩევნებზე ქართული ოცნებისთვის 48%-ის აღება საკმაოდ რეალურია
“ბაღის აღმზრდელებსა და მასწავლებლებს მიეცით უფლება აკეთონ ის საქმე, რაც ევალებათ” – ბესო ქათამაძე
თავისუფლება მესამე პრეზიდენტს – ხელმოწერები freemisha.ge-ზე