“პატივი მივაგოთ ლექსო ლაშქარავას ხსოვნას” – ამ სახელწოდებით აქცია ამ წუთებში პარლამენტთან მიმდინარეობს. სამოქალაქო აქტივისტები TV პირველის გარდაცვლილ ოპერატორს, ლექსო ლაშქარავას მის დაბადების დღეზე იხსენებენ და მის ხსოვნას პატივს მიაგებენ.
ცნობისთვის, ლექსო ლაშქარავა დღეს 38 წლის გახდებოდა.
ლექსო ლაშქარავას 5 ივლისს ჰომოფობიური და ძალადობრივი ჯგუფების წარმომადგენლებმა სასტიკად სცემეს. მას რამდენიმე წუთის განმავლობაში არაერთი პირი ურტყამდა, ლაშქარავას სახის ძვლები ჰქონდა ჩამტვრეული და ოპერაცია დასჭირდა. 11 ივლისს დილით ის საკუთარ სახლში დედამ გარდაცვლილი ნახა.
შსს-მ გარდაცვალების შემდეგ, ლექსოს წინააღმდეგ შავი კამპანია აწარმოა და საზოგადოებას სასტიკად ნაცემი ოპერატორის გარდაცვალების მიზეზად ნარკოტიკის ზედოზირების ვერსია მიაწოდა.
ამ დროისთვის ლექსო ლაშქარავას ცემისთვის 4 პირია დაკავებული, თუმცა ჯერ ისევ თავისუფლებაზე არიან 5 ივლისის ძალადობის ორგანიზატორები. მეტიც, “ალტ-ინფოს” წარმომადგენლებს საკუთარი პარტიის დარეგისტრირების მცდელობებიც კი აქვთ.
მათ დასჯას მედიის წარმომადგენლები, არასამთავრობო ორგანიზაციები, პოლიტიკოსები და სამოქალაქო აქტივისტები ამ დრომდე ითხოვენ.
მსგავსი სტატიები:
2020 წლის მსოფლიოს 24 მნიშვნელოვანი ფოტოამბავი – BBC
„დოიჩე ველე“: AstraZeneca-მ კორონავირუსის ვაქცინას სახელი შეუცვალა
მერკელი: როდესაც ჩემი ჯერი მოვა, AstraZeneca-ს ვაქცინას გავიკეთებ
“სინოვაკის” ვაქცინით აცრასთან დაკავშირებით რეგისტრაცია, როგორც პირველ, ასევე მეორე დოზაზე დღეიდან განახლდება
“ყველაზე კარგი ბავშვთა სახლიც ბოროტებაა და ასეთი სახლები აღარ უნდა არსებობდეს…”
“ამჯერად გორი,სოფელი მეჯვრისხევი,დღეს პატარა ბიბლიოთეკა მოვუწყვეთ”
“ახალი შენაძენი გრიგოლ რობაქიძის ეგნატე ნინოშვილი, 1930”-ირაკლი მახარაძე
მე-5 სართულიდან ხუთი შვილის დედა გადმოვარდა და დაიღუპა