დეკანოზი თეიმურაზ გოგიაშვილი გარდაიცვალა -ამის შესახებ ინფორმაციას სოციალურ ქსელში „საპატრიარქოს უწყებანი“ ავრცელებს.
“დღეს, 2021 წლის 7 დეკემბერს, გარდაიცვალა ფოთისა და ხობის ეპარქიის მღვდელმსახური, ფოთის ივერიის ყოვლადწმინდა ღვთისმშობლის ხატის სახელობის ტაძრის წინამძღვარი, დეკანოზი თეიმურაზ გოგიაშვილი.
მამა თეიმურაზი 1978 წელს დიაკვნად აკურთხა სრულიად საქართველოს კათოლიკოს-პატრიარქმა ილია II-მ, 1979 წელს კი თბილისის სიონის ყოვლადწმინდა ღვთისმშობლის მიძინების სახელობის საპატრიარქო ტაძარში მღვდლად დაასხეს ხელი. 1980 წლიდან გარდაცვალებამდე,
41 წლის განმავლობაში, იგი ფოთის ივერიის ღვთისმშობლის ხატის სახელობის ტაძარში მსახურობდა და ერთგულად ემსახურებოდა ქრისტეს რწმენასა და მრევლს.
უწმინდესისა და უნეტარესის, ილია II-ის მიერ იგი აღყვანილ იქნა დეკანოზის ხარისხში, სხვადასხვა დროს კი დაჯილდოვდა ოქროს ჯვრით, გამშვენებული ჯვრით, მიტრითა და ორი ჯვრის ტარების უფლებით. მწუხარებას გამოვთქვამთ დეკანოზ თეიმურაზის გარდაცვალების გამო და თანავუგრძნობთ განსვენებულის ოჯახს, ახლობლებსა და სამწყსოს.
უფალმა სავანესა მართალთასა დააწესოს მისი უკვდავი სული. გთხოვთ, ლოცვებში მოიხსენიოთ ახლად შესვენებული დეკანოზი თეიმურაზი’, – აღნიშნულია ინფორმაციაში.
alia.ge
მსგავსი სტატიები:
მსოფლიოში ყველაზე ჭკვიანი ადამიანი, რომლის შესახებაც არავინ არაფერი იცის
„პატრიარქის ანდერძი და მეორე, ახალი მოსაყდრე“ – რას წერს თეოლოგი სოციალურ ქსელში?
დაგვიანებული ეპისტოლე – ვერსიები და მიზეზები
1 აშშ დოლარის ოფიციალური ღირებულება 3.3035 ლარი გახდა
კულტურის სამინისტრო: “გელათის ტაძრის სახურავის 800 კვ.მ. ფართობის გადახურვა სრულად მოსახსნელია”
ჩვენი ამოცანაა, ყველა შევიდეს თავის ბინაში, ამის შემდეგ ვიქნებით მართლა თავისუფლები
“ჩვენ, დიდი ალბათობით შეიძლება შევიდეთ მძიმე, მეოთხე ტალღაში,ქვეყანას ემუქრება ძალიან რთული სიტუაცია”
ხობში 12 წლის ბიჭი, სავარაუდოდ, 38 წლის კაცმა გააუპატიურა